Basic HTML Version
168
пайдалануда. Егер Гуань Чжун болмағанда, онда біз шашымызды арқамызда жалбыратып
және (жабайылар құсап) киімімізді сол жағымызға қаусырып жүрген болар едік. Ол
белгісіз қара адамдай қалайша жолдың жағасында (өзін-өзі өлтіруге) барады?
14.23. Ұстаз айтты: — Бекзат кісі өрлеуге ұмтылады, әлсіз құлдырауын қоймайды.
14.24. Ұстаз айтты: — Бұрынғылар өздерін (жетілдіру үшін) оқыды, ендігілер
басқалардың алдында (мақтану) үшін оқиды.
14.27. Ұстаз айтты: — Бекзат кісі айтқанында тұра алмағанда, ұялғанынан жерге қарайды.
14.28. Ұстаз айтты: — Бекзат кісіде тоғысатын үш бірдей Дао - Жолының — адам
сүйгіштің қайғырмайтын, дана күдіктенбейтін, батыл қорықпайтын күйдің біреуінде
аяқтап өткере алмадым. Цзы Гун айтты: — Бұл Ұстаздың (аяғына дейін өткен) Дао -
Жолдары ғой.
14.29. Цзы Гун адамдарды бағалауды ұнататын. Ұстаз айтты: — Сен қандай данасың, Цы!
Менің бұған уақытым жете бермейді.
14.30. Ұстаз айтты: — Адамдар сені білмесе, уайымдама. Өзіңнің қабілетіңді көрсете
алмасаң, соған мұңайғың.
14.34. Біреу сұрады: Сіз "жамандыққа жақсылық жаса" деген туралы не ойлайсыз? Ұстаз
жауап берді: — Қалайша, жақсылық жасау керек? Жамандыққа әділдікпен қарағын,
жақсылыққа жақсылық жасағын.
14.35. Ұстаз айтты: — Мені ешкім білмейді. Цзы Гунь сұрады: — Сізді ешкімнің
білмейтіні қалай? Ұстаз жауап берді: — Көк Аспанға қарап күңкілдемеймін, адамдарды
кінәламаймын. Төмендегіні қызықтап, биікке көтерілемін. Көк Аспан ғана мені білетін
сияқты.
14.36. ... Ұстаз айтты: — (Менің) Дао-Жолым (елде) жүзеге асырыла ма — тағдырға
байланысты, (менің) Дао-Жолым (елде) күйреуге ұшырайды ма,— тағдырға байланысты.
Тағдырмен кім бәстесе алады?
14.37. Ұстаз айтты: — Даналар (әділ емес) дүниеден қашады; одан кейінгілер
(тұрақтылығы жоқ) жерден қашады; одан кейінгілер — (жәбірлейтін) сөздерден қашады.
Ұстаз айтты: — Дәл осындай жеті адам болған.
14.41. Ұстаз айтты: — Егер жоғарыдағылар Ережелерді қолдаса, онда халықты оңай
пайдаланады.
Цзы Лy бекзат кісі туралы сұрады: Ұстаз жауап берді: Құрметті болу үшін, өзіңді
жетілдір. (Цзы Лy) сұрады: Айтарың осы ма? Ұстаз жауап берді; — Басқаларға тыныштық
әкелу үшін, өзіңді жетілдір. — Осы ма, бәрі? Жауап берді: — Өзіңді халыққа тыныштық
әкелу үшін жетілдір. Өзіңді халыққа тыныштық әкелу үшін жетілдіру — осы нәрсе емес
пе, Яо мен Шунды толғандырған?
15-тарау. "Вейлық Лин-гун..."