Basic HTML Version
150
1.12. Ю-цзы айтты: — Ережені жүзеге асырарда түрлі пікірлердің бірлестігіне жету — өте
құнды. Алғашқы әміршілердің Дао – жолы осы рәсіммен тартымды. Олар үлкен - кіші
істерді осы ұстанымға сүйеніп меңгерді. Егер жүзеге аспас істер кейде кезіксе, олар, түрлі
пікірлерден бірлестікке жеткізер талапты меңгере отырып, діттегеніне жеткен. Бірақ
Ережеден тыс шеңберде бірлікке жету мүмкін емес.
1.13. Ю-цзы айтты: — Егер (біреу) адалдығымен әділеттілікке жақындаса, оның сөздеріне
еруге болады. Егер (сен) құрметтеумен Ережеге жақындасаң, онда ұятсыздық пен
масқаралыққа ұрынбайсың. Егер (сен) туыстық сезімдерден арылмағандарға сүйенсең,
одан сенімділігің артады.
1.14. Ұстаз айтты: — Егер бекзат кісі асқа бір тоюды ойламай, сәнді үй-жайды аңсамай,
істерде ықыласты, сөзге салмақты, Дао – Жолға түскендермен жақындасу үшін оз
кемшілігін жөндей білсе, ондай адам үйренуді ұнатады.
1.15.Цзы Гун сұрады: — Егер адам кедей, бірақ жағымпаз болмаса, бай, бірақ асқақ шадыр
болмаса, ол туралы Сіз не айтасыз? Ұстаз айтты: — Жаман емес! Бәрі бір (Дао - Жолға
түсіп) қуанышты сезінген жанды кедеймен, ал Ережені ұстайтынды баймен салыстыруға
болмайды. Цзы Гун сұрады: ("Кітаптағы) өлеңдерде" сол туралы айтпайды ма:
Піл сүйегін алдымен кесіп, бұйымды содан өңдейді,
Яшманың жылтырлап қырын үйлестіре теңдейді.
Ұстаз жауап берді: — Бәрекелді! Сенімен ақыры "Өлеңдер" туралы да әңгімелесудің реті
келді ғой. Егер мен өткенді айтып жатсам, сен болашақта не боларын болжай аларсың.
1.16. Ұстаз айтты: — Адамдар сені біле бермейді деп, қайғырма. Өзің адамдарды
білмейтініңе ренжі.
2-тарау. "Басқаруды жүргізу..."
2.1. Ұстаз айтты: — Басқаруды қайырымдылыққа сүйеніп жүргізу,— Құс жолына
ұқсайтындай. Ол темірқазықтай өз орнында, ал қалған жұлдыздар оны айналып
қозғалады.
2.2. Ұстаз айтты: — "Өлеңдер (Кітабында)" үш жүз шумақтар — олардың мәнін әрбір сөз
тізбегімен бағаласақ, онда "таза ойлар жоқ" деп айтар едік.
2.3. Ұстаз айтты: — Егерде халықты заңға негізделген басқару жолына (енерлік) бағыт
көрсетсек және жазалайтын (қоқан-лоққы) тәртіпті қолдасақ, онда халық сазай тартудан
қашқалақтайды да, ұят (сезімінен) арылады. Егер халықты қайырымдылыққа негізделген
басқару жолына (енерлік) тәртіпке көндірсек және Ережелерді (пайдаланатын) жолдың
тәртібін қолдауға үйретсек, онда (халықта) ұят сезімі оянады да, ол жөнделеді.
2.4. Ұстаз айтты: — Он бес жастан мен ниетімді оқуға арнадым. Отыз жаста аяғыма
тұрдым. Қырық жаста күдіктен арылдым. Елу жасымда Аспанның желісін таныдым.
Алпыс жасымда шындықты жалғаннан ажыратуды үйрендім.Жетпіс жасымда жүректің
ырқына көндім де, шамадан шықпадым.