Basic HTML Version
91
көңілін аудару үшін əдейі солай жасады ма, ол жағы есінде жоқ.
Есінде қалғаны – өзінің үнпарақ таратып жүргенін айтқаны.
Тіпті, аздап өтірік қосыңқырап жіберген.
– Кеңестік қоғамға қарсы листовкалар таратып жүрмін. Ан-
тисоветтік ұйыммен байланысым бар.
– Бұл жайында Қауіпсіздік комитетіне хабарлау керек. Сен
бүгін осында қал, – деді Баянды.
– Жоқ, онда бармас бұрын, алдымен ата-анама ескертуім
керек.
Азамат ағасына осылай дегенмен, əке-шешесіне тіс жарып
ештеңе деген емес.
Сағат тілі түнгі он бірден асқанда Абай-Правда даңғыл-
дарының қиылысындағы бір үйдің почта жəшіктеріне алып
шыққан газеттерді салып өртеді. Үнпарақтарды баспалдақтар-
ға жайып тастап, өзі тез кетіп қалды. Түк білмегендей, көшенің
қарсы бетіндегі үйіне келді.
Төсегінде көпке дейін дөңбекшіп жатып алды. Бүгінгі бар-
лап шыққан ісін ертең – 26 қаңтарда жүзеге асырмақ болып
ойша жоспар құрды. Бағана «Сарыарқа» кинотеатрының жа-
нында орналасқан жинақ кассасын тонамақ болып, біраз бар-
лау жұмыстарын жүргізген болатын. Қолына біраз ақша түссе,
алдымен Алматыдан ұзақ шығып, одан əрі есебін тауып шет-
елге өтіп кету ойында бар. Бұл елде жүріп коммунистік қо-
ғамға қарсы күрес жүргізудің мүмкін еместігін іші сезеді. Əр
нəрсені бір ойлап жатып, Азамат ұйқыға қалай кеткенін білмей
де қалды.
Ол ертеңіне тонауға барған жоқ. Ұсталып қалса, ол жай ғана
қылмыс боп есептелетінін білді. Ал оның мақсаты жай ғана
қылмыскер болу емес.
Кеңестік жүйе қанағаттандырмағандықтан, саяси баспана
сұрап Америкаға, Құрама Штаттарға кету. Ол осы ойын жүзеге
асырмақ болып, осыдан бір айдай уақыт бұрын Мемлекеттік
Қауіпсіздік комитетіне де барған болатын. Қауіпсіздік коми-
тетінің қабылдау бөлімі эмиграция мəселесімен Ішкі істер ми-
нистрлігі айналысатынын айтты. «Целинный» кинотеатрының
іргесіндегі милиция ғимаратына да бас сұқты. Қарауылда тұр-