Basic HTML Version
82
шоқуды көре қоймаған жап-жас Тілеуберді қазақ халқының
ұлы перзентінің бірі, күш атасы Қажымұқанның мүсінін талай
ел тамсанатындай етіп қалай жасады дейсің. Онжылдық мек-
тепті тəмамдап, Алматыдағы көркемсурет училищесіне енді
ғана бас сұққан ол, сөйтіп, əйгілі Қажымұқанның мүсінін тұң-
ғыш рет сомдаған адам болып шыға келді. Ол мүсіні қазір-
де көпшілікке мəлім – Темірлан селосындағы Қажымұқан му-
зейінде тұр. Негізі, таланттыжасты тани білудің өзі де өнер. Сол
кездегі аудан басшысы Рашид Нұғымановтың есімін Тілеубер-
ді өле-өлгенше ұмытпайтын шығар. Қажымұқанның аталмыш
мүсінін жасауға түрткі болып, қол ұшын берген көреген кісіні
ол қалай есінен шығарсын. Атағы əлемге мəшһүр болған күш
иесінің мүсінін жасай алатындығына сеніп, күнделікті күйбең
тірліктен босаттырып, материалдық жағынан көмек көрсеткен
аудан басшысынікі де, өрімдей Тілеубердінікі де ерлік деуге
болады. Мұнан кейін адамға оң тəрбие берудің бір тəсілі – се-
нім дегенге сенбей көріңіз.
Сөйтіп, үлкен өнердегі Тілеубердінің тұсауын кескен,
болашағына сеніммен қарап, батасын берген Рашид Нұғыма-
нов болып қала берді. Ол мұнан кейін де, көркемсурет учи-
лищесін бітірген соң да, өзінің алғашқы биігінен бір сəт төмен-
деген жоқ. Саусағынан бал тамызған мүсінші қолынан шыққан
Əл-Фарабидің, Абай, Ыбырай, Шоқандардың, жыр алыбы
Жамбыл мен сыршыл суреткер Мұхтардың, тағы да басқа
өнер, мəдениет саласында тер төккен ғұламаларымыздың жан-
сыз бейнелері оның табиғи, дарынды талант иесі екендігін
көрсетті. Аталған мүсіндерді Орталық Өнер музейінен бастап,
Мұхтардың, Ыбырайдың музей-үйлері, халыққа білім беру ми-
нистрлігі, сондай-ақ түрлі жергілікті жерлер қолға тигізбей
алды да кетті. Тіпті, Түркия, Алмания секілді шет елдік мемле-
кеттерге сатылған еңбектері де аз емес.
* * *
Тілеуберді БИНАШЕВ. Талайларға таныс есім. Маған
да. Оның атын біреулердің қызыға, біреулердің қызғана