Basic HTML Version
41
қымбаттатылуы халық наразылығын тудырмай отырған
жоқ. Тікелей еңбекші халық мүддесін қорғайтын бірден-
бір ұйым ретінде федерация қандай мəселелермен айналы-
суда?
– Еліміздің нарық экономикасына көшуінің үлкен қа-
жеттіліктен кейін туындап жатқандығын түсіну керек7 Рас,
тұрмыстық тұтыну заттары бағасының қымбаттауын кім
болса да қолдай қоймайды. Сондықтан да, еңбекші халық-
тың қымбатшылық құрбаны болмауы үшін республика кəсіп-
одақтарының федерациясы мынадай мəселелерді жүзеге асы-
руға күш салып отыр:
Біріншіден,
бағаның өсуі халықтың əлеуметтік-тұрмыс-
тық жағдайын нашарлата түседі. Оны қазір көріп те отырмыз.
Бұл жүйеге дəл қазіргі күйімізбен барар болсақ, қайыршылық
өмірге саналылықпен қадам басқанымыз дей беріңіз. Міне,
мынаған назар аударып көрейік. Еліміздегі ең төменгі жалақы
мөлшері орта есеппен алғанда 70 – 80 сом деңгейінде деп жүр-
міз. Бағаның көтерілуі, əсіресе, сол мөлшерден төмен алатын-
дарға қиынға соққалы тұр. Біздің есебіміз бойынша, қазірде
республикада əрбір адамға азық-мүлік, бір қабат киім сияқты
күнделікті тұтыну заттарын алуы үшін ең кем дегенде 125 сом
(ай сайын) ақша қажет екен. Қайталап айтайын: күнелту үшін
125 сом қажет! Одан төмен алатындар, егер ұры-қары болма-
са, қайыршы болуға мəжбүр. Оны халыққа ашып айтқанымыз
жөн. Федерациямыз осыған орай ең қажетті тұтыну заттарының
бағасын заң арқылы ретке келтіру керектігін ұсынып отыр. Бұл
мəселе Жоғарғы Советте шешімін таппаса, оның арты жақ-
сылыққа соға қоймайды.
Екіншіден,
бағаның өсуі мен соған сəйкес төлем (ком-
пенсация) мəселесі мемлекет тарапынан жылына екі мəрте
қаралып отыруы, баға көтерілген жағдайда шығынды сатып
алушыларға қайтарып беруі керек. Осыған орай біздің соңғы
съезіміз «Жаңа экономикалық жүйеге көшуге байланысты
барлық қиындық пен ауыртпашылық еңбек адамдарының, бұ-
қара халықтың емес, мемлекеттің мойнына түсуі керек» деп
мəлімдеме жасады.