Basic HTML Version
40
– Қазірде жақсы нышанды істердің жүзеге аса бастауы
жайында əңгіме өрбісе, ең алдымен, бұрынғы атқарылған іс-
шараларды жоққа шығарып алу əдетке айналып бара жатқан
сияқты. Менің бұл ізге түскім келмей отыр. Себебі, кəсіподақ
ұйымы бұрын да қарапайым еңбеккерлер мүддесін қорғап
келген, əлі де сол мақсатынан айнымақ емес. Бұл, əрине,
жалпылама айтқандағы жағдайымыз ғой. Əйтпесе, барлық
аппараттық жүйедегідей, біздің саламызда да тоңмойын
бюрократтар мен кабинеттік құрсаудан шыға алмай кел-
ген нантабарлар болған жоқ деп кесіп айту қиын. Өз кезінде
кəсіподақтардың мемлекеттік структура ықпалынан шыға
алмай, партия ұйымдарының аузына қарап отырып жұмыс
істегендігін де жасыра алмаймыз. Кəсіподақтардың «феде-
рация» сөзіне мойынсұнуын да осындай орын алып келген
кемшіліктер мен түрлі жетіспеушілік атаулыдан құлан таза
айығу жолында тапқан жаңаша жолы деп түсінген абзал. Фе-
дерация, ең алдымен, бұрыннан бері қалыптасып қалған бір
орталықтан басқару, яғни əкімшілік басқару жүйесіне қарсы
жасалған алғашқы қадам, жұмысты жаңаша жолмен жүргізудің
тиімді түрі. Бұл мəселе Қазақстан кəсіподақтарының ХІV
съезінде кеңінен сөз болды. Мінберге шыққан съезд делегат-
тары таңдаған жолымыздың дұрыс екендігін айтып, көтеріліп
отырған бастаманың бұрынғыша қағаз бетінде қалмай, іс
жүзінде жүзеге асуына жұмылу қажеттігін атап өтті. Ендігі
жерде республикамыздың түкпір-түкпіріндегі бастауыш ұйым-
дарымыз толық еркіндікке ие болмақ. Еңбекші қауымнан
жиналған мүшелік жарнаны да өздерінің қалауы бойынша
аудандық, облыстық, республикалық, одақтық ұйымдардың
мақсатты жұмыс істеуіне керекті мөлшерде бөліп, сол ұйыммен
тығыз байланыста болып, түрлі іс-шаралар атқарады. «Атына
заты сай» болуы үшін федерация мүшелеріне де, оның басшы-
лары бізге де көп еңбек ету керек екендігін түсінеміз.
– Қазіргі таңда еліміз тап болып отырған түрлі қиын-
дықтардан нарық экономикасына көшу ғана құтқара
алады деген қорытынды жасалды. Дұрыс делік, бірақ
күнделікті тіршілігімізге қажетті тұтыну заттарының