Basic HTML Version
30
– Түркиядағы үкімет басшыларының біздің елімізге
деген көзқарасы, дəнекерлік байланыстарға деген ниеті
қандай?
– Ниет жақсы, көңіл қуантарлықтай. Бұл жөнінде қа-
зақ баспасөздерінде де азды-көпті жазылып жүр ғой. Түркіс-
тандағы Қожа Ахмет Яссауи мавзолейін қайта қалпына
келтіру жұмыстарын Түркиядағы Мəдениет министрлігі мой-
нына алып отыр. Осы іс-шараларға қажетті жұмыс күшін де,
барлық еңбек шығынын өтеуді де олардың өз жауапкершілігі-
не алатындығын оқырмандарыңыз оқып-біліп үлгерген шығар
деген ойдамын. Қазақстанға мешіт, медресе салып беру мақса-
тында да жоспарланып жатқан əрекеттер жоқ емес. Бұл орай-
да сіздердің республикаларыңызда түрік мектебін ашып, бала
оқыта бастаудың да назардан тыс қалып жатпағандығын ай-
тып кеткеніміз дұрыс болар. Шынымды айтсам, біздің ел бас-
шылары мен түрлі кооперативтік ұйымдардың Қазақстанмен
орнатқысы келетін байланыстарының көпшілігінен хабар-
сыз болуым да мүмкін. Дегенмен, көңілдердегі күй пернесін
дөп баса білген жақсы нышанды мақсаттардың талай-талайы
Түркияда туындап жатқандығын жаныммен сезінемін. Мен
үшін бүгін санауға саусақ жетпейтін, тіршілік болған соң сол
түгесіліп бітпейтін, талайдан бері қатталып қалған, ешқайда
бастамайтын себептер мен салдарлардың сіздердің елдеріңіз-
ден тағы бір төбе көрсетіп қалмауын тілегеннен өзге ешнəрсе
қалмағандай. Сол тілекті жаратқан құдірет қабыл алып жатса,
айтар əңгіменің бəрі алда деген сенімдемін.
– Ендеше, дуалы аузыңыздан шыққан ақ сөзіңіз он се-
гіз мың ғаламның киесі – періштелердің құлағына ша-
лынсын дейміз. Əңгімеңізге көп-көп рахмет! Түркиялық
бауырларға дұғай-дұғай сəлемімізді жеткізерсіз.
«Қазақ əдебиеті» газеті, 9 қараша, 1990 жыл