Basic HTML Version
29
олардың туған атамекенімен арадағы қатынасы жақсара
түсер еді-ау...
– Мұндай жақсы істер жүзеге асып жатса, қанеки. Негізі,
бізде Түркі тектес халықтардың мəдениетін зерттеуге жəне
Ислам дінін насихаттауға орай құрылған ошақтар бар. Мəдени
достық дəнекерлігін əзірге осы ошақтар атқарар деген ойда-
мын. Ол үшін Қазақстан тарапынан да ниет білдіріліп, өкілдер
жіберіліп, нақты келісімге тұрғаны жөн секілді. Тікелей
Қазақ орталығын ұйымдастыру мəселесін елге оралған соң,
іскер жастарымызға жеткізермін. Қазіргі таңда шетелдік
қазақтардың барлығы туған атамекенінде болып жатқан сая-
си қозғалыстың ақырын бағуда. «Қазақ елі егемендігін ала
ма, жоқ əлде көзбояушылықтың соңынан тағы ере жөнеле
ме?» деген сынды сан сауалдар ой иіріміне батырып, атаме-
кенге деген ыстық ықыластарын онан сайын маздатып отыр.
Көпшілігі жақсы бастаманың жүзеге асып, республика саяси
өрісінің кеңейе түсетініне сеніммен қарайтын сияқты. Ай-
тарым – елдеріңіз егемендікті алып жатса, мəдени, достық,
экономикалық байланыстың төте жолы салынып, ағайын
адамдардың бір-бірімен қауышуы жиілей түсер еді. Ол үшін
Қазақстан тарапынан да əзірлік істерінің жүргізіле бастағаны
дұрыс. Мына өздеріңізбен көрші орналасқан Шыңжаңда жас-
тарға түрік тілін оқыту жұмыстары жақсы қолға алынған. Рес-
публикаларыңыздағы жоғары оқу орындарында осы тақылет-
тес қажетті шаралар көрініс беріп жатса, ертеңгі күн еншісінен
көп нəрсе күтуге болар.
Қазақ тілінде шығатын газет-журналдарды əзірге мезгілінде
алып тұрамыз. Алайда, кейбір жекелеген адамдар болмаса,
жастарымыздың көпшілігі сіздер пайдаланып жүрген (ки-
риллица) қаріпті оқи алмайды. Сондықтан да, мүмкіндік бо-
лып жатса, газеттеріңіз араб қарпімен де басылса. Тіпті, түрік
тілінде жарық көріп жатса, тек қазақтар емес, түркиялық өзге
де бауырларымыздың өз қажетіне жаратуы сөзсіз. Əлгі айтып
отырған сан-салалы байланыстардың, қарым-қатынастардың
басы алғаш осындай мəселелерден өрбісе, нұр үстіне нұр бо-
лар еді.