Basic HTML Version
276
ды сатуда, оларды өңдеу мəселесінде де бірауыздылық қажет
болмай қалмайды. Біз көп жағдайда бірімізге-біріміз тəуелді-
міз. Алайда, қалыптасып отырған барлық жағдайды Ресей мен
Қазақстан қосылмай-ақ, ақылдаса, келісе отырып, бірігіп шеше
алады. Оған қадамжасалғалы да көп болды. Дегенмен, бұрынғы
шовинистік көзқарас қанына сіңіп қалған кейбіреулер орта
жолда жеңіл жағын ойластырған болып, түрлі арандатуларға
барып отыр. Олардың əңгімесі пойыз кетіп қалғаннан кейінгі
күбір-сыбыр.
Ал, енді əлеуметтік жағдайларымызға келер болсақ, «апама
жездем сай» дегендей, мұндағы шешімін күткен мəселелеріміз
де шаш етектен. Ол жақ та, бұл жақ та жетісіп отырған жоқ.
Тұрмыс деңгейінің нашарлығы екі ел халқының жиі арал-
сып тұруына негіз болып тұр. Бірінсіз-біріне өмір жоқтың
бейнесін осыдан көруге болады. Ресейдегі барлық жағдайдың
біздің елімізге əсерін тигізетінін ойласаң, бірігіп-ақ өмір сүріп
кеткің келеді. Алайда, бұл өткінші, уақытша нəрсе. Əлеуметтік
тұрмыс-жағдайымыз жақсарған соң, «өзі болған қыз төркінін
танымайды» деген дəрежеге дейін жеткізуге негіз бар. Бұны
біздің халқымыз түсіне бастағалы көп болды, екі елдің қосылуы
туралы сыпсыңдарға мұрын шүйіре қарайтыны сондықтан.
Төртінші нəрсе – ғылым. Бұл өзі бүкіл əлемге ортақ, бөле-
жаруға келмейтін мəселе. Сондықтан, Ресеймен бірге жетпіс
жылдан астам уақыт бойына бір терінің пұшпағын илеп оты-
рып, ендігі жерде соның шетін жыртып аламын деу ақылға
қонбайтын іс. Біздің мықты ғалымдарымызға Ресей ғана
емес, оның көкесіндей елдер де қызығады. Анау, əне, Асқар
Жұмаділдаев сияқты данышпандарымыз менмін деген біраз
шетелдің төрінде тұрып ақыл айтып қайтып жүр. Бұл сала өзі
Жер бетінде Қазақстан деген елдің бар екенін күллі əлемге
паш ете алатын күш. Мысалы, қазақстан химиктерінің көк
түтінді зарядтау арқылы ғарыштық резеңке шығаруды ойлап
тауып, əлем жұртшылығын елең еткізгені кеше ғана. Елдің
егемендігін нығайтуға, тəуелсіздіктің бір тұғыры болуға жа-
райтын ғылымымыз дамыған сайын бізбен санаспайтын жұрт
қалмайды. Алайда, ғылымның көп саласында Ресеймен біздің