Basic HTML Version
275
Қазақстанға жаны ашығаннан кейін айтқаны шығар. Осын-
дай жағдайларға қарап отырып, Президентіміз Нұрсұлтан
Назарбаевты түсінуге болады. Ал, біз болсақ, «жау жағадан
алғанда, бөрі етектен» дегендей, кəкір-шүкірді əңгіме етіп,
елді дүрліктіргіміз келеді де тұрады. Жə... жарайды, айтатын
əңгімемізден ауытқып бара жатқан сияқтымыз. Қысқасы,
біз ешқандай да жасырын саясат жүргізе алмаймыз! Оның
бізге қажеті де жоқ! Сондықтан, ежелден алыс-берісіміз бар,
төскейде малы, төсекте басы қосылған Ресеймен не көр-
сек те бірге көруге тура келіп жатады. Қазақстанның Ресей-
ге қосылуы туралы əңгіменің қылаңдай беруі де көп рет-
те осыған байланысты. Əрине, Ресеймен бірге көреміз деген
біздің жеке саясатымыз жоқ деген сөз емес. Ол – кең көлемде
алғандағы нəрсе. Əйтпесе, іргесін бөлектеген елдің бəрібір өз
мүддесі, өз мақсаты болады. Парламенттегі Үкімет сағатында
Қазақстанның сыртқы істер министрі Қасымжомарт Тоқаев
Ресеймен қосылу, немесе ортақ мемлекет құру туралы əңгіме-
ге байланысты өз ұстанымын ашық айтып, ондай жоспардың
ешқашан болмағандығын, жəне оған ешқандай негіздің де жоқ
екендігін арнайы хабарлауы тегін емес. Арандатушылар қай
жақтан болса да табылады. Олардың да өз мақсат-мүдделері
бар. Олар екі елдің көп жағдайда бір аурумен ауырып, бір
дəрімен емделетінін жақсы білген соң, өздерінің ұпай жинауға
бейім қитұрқы саясатын бопсалап жүргендер. Əйтпесе, жеке
ел болады екен, орынды-орынсыз біреудің қорасына түсе бе-
ру – болмайтын нəрсе.
Енді екінші мəселеге тоқтап көрейік. Ортақ аурудың көкесі
осы екінші мəселе – экономикалық саламызда жатыр. Бұрын
бір ағзаның мүшелері сияқты бірінсіз-бірінің күні жоқ болып,
тарам-тарам салалардың бір басы анда, бір басы мұнда болса
да, үндесе, сəйкестене жұмыс істеп қалған жүйелер бұзылған
соң, кесіп-кесіп тастаған дене мүшелеріндей жансызданды да
қалды. Жеке-жеке жұмыс істеу мүмкін болмайтындай дəреже-
де еді. Енші алып етек-жеңін жаба бастаған қазірдің өзінде біз
көп мəселені бірге шешуіміз қажет болып отыр. Сыртқы басқа
елдерге мұнай-газ сияқты тағы басқа табиғи байлықтарымыз-