Basic HTML Version
277
жұбымызды жазу қиын. Ресейге қосылу əлеулəйімін айтып
жүргендерге бұл да негіз болып келеді. Сол үшін ғылымның
барлық саласын дамытуға күш салуымыз керек. Онсыз жеке
мемлекет болып қалу сағымның арасынан алақаныңмен су
алып ішкенмен бірдей.
Қолмен ұстауға келмейтін, бірақ көзге бақырайып көрініп
тұрған бір нəрсе бар. Ол – мəдениет. Бесінші нəрсе деп ең
соңына қойып отырғанымыз болмаса, бұл – ең үлкен мəселе.
Жоғары мəдениетіміз болған күннің өзінде оны орынды
көрсете біліп, өзге елдерге мойындата алмасақ, тəуелсіз еліміз
тұманның аржағында тұрғандай болады. Басқасын қойып, əнге
ғана келейік. Біз халық əндері мен дəстүрлі нақыштарымызды
ғана бірінші кезекке қойып, бүгінгі таңның «хит-парадтарына»
мəн бермесек, онша алысқа ұзай қоймаймыз. Себебі, батыстың
барлық даңғаза музыкасы қазір біздің аспанымызда жынойнақ
салып жүр. Барлық жастарымызды қырып жібермесең, одан
құтыла алмайсың. Одан құтылудың бір-ақ жолы бар, жаудың
өз оғын өзіне ату, немесе өз талқанын өзіне қуырып беру.
Яғни, бізге де сондай даңғаза музыкалар керек. Уды умен ғана
қайтарасың. Қанша жерден өнеріміз ақсап қалады дегенмен,
олай істемейінше тығырықтан шыға алмайсың. Өткенде жа-
зушы Жаңабек Шағатай «Жастар тілін түсінбейтін даңғаза-
ларды шулатқанша, өзіміздің шалабайларды айтып, тыңдап
жүрсін. Өнер аспанында бос жер қалмайтындай болғанда ғана
«жаулаудан» құтыламыз. Сапасыз дүниеер біртіндеп өздігінен-
ақ қала бастайды. Сол үшін əн жағында ешқандай шектеу
болмауы керек» деген еді. Осы сөздің жаны бар. Осындай
əңгімелерді кино, мультфильм төңірегінде де айтуға болады.
Аспаның ашық, шекараң ашық болған соң, оларға тосқауыл
қою қиын.
Міне, «кімнің арбасына отырсаң, соның жырын жырлай-
сың» деген сияқты, нарық əулетіне аяқ басқан соң, Ресейің бар,
басқаң бар, солардың мəдениетіне қарағыштауға мəжбүрміз.
Біздің жастарымыз бейім болып келеді, ұлттық мəдениетіміз-
ді де, жаңа дəстүр, жаңа салтты да əлемдік деңгейге көтере
білсе, тəуелсіздіктің бір үлкен тірегі болары еді. Спорт жай-