Basic HTML Version
274
Қазақ төңкерісі деп бағалануы да мүмкін-ау. Бірақ бұл ұзаққа
созылған саяси төңкеріс еді. 1986 жылы басталып, 1991 жылы
шыңына жеткен төңкеріс болатын. Қалай болғанда да, біз
Тəуелсіздігімізге қол жеткіздік. Желтоқсан көтерілісін де осы
тəуелсіздік рухында атап өтуіміз керек деп ойлаймын. Өйтке-
ні, Тəуелсіздігімізден биік ешнəрсе жоқ. Тəуелсіздік мерекесі
құтты болсын, ағайын!
«Дала мен Қала», 16 желтоқсан, 2005 жыл
ҚАЗАҚСТАНДЫ РЕСЕЙГЕ
КІМ ҚОСАЙЫН ДЕП ЖҮР?
Аузын айға білеген Америка Құрама Штаттары Ресейге
қосылайын деп жатыр дегенді айтсаң, мынау жынданған шығар
деуі мүмкін. Ал, Қазақстан Ресеймен қосылайын деп жатыр
десе, шыны қайсы, өтірігі қайсы екенін білмей қаласың. Неге?
Бұл біздің күні кеше бір көрпенің астында болғандығымыздан
да шығар. Алайда, біздің асай-мүсейімізді арқалап бөлек кет-
кенімізге де біршама уақыт болып қалды ғой, мұндай əңгі-
мелердің сонда да айтыла беретіні неліктен? Осыған шамамыз
жеткенше ой жүгіртіп көрсек.
«Ғылым таппай мақтанба» деген өлең есіңізде ме, «Бес
нəрседен қашық бол, бес нəрсеге асық бол, адам болам десеңіз»
деп келмеуші ме еді. Меніңше, Қазақстан мен Ресей жайында
айтыла беретін əңгіменің негізінде де осындай бес нəрсе жатыр.
Біріншісі – саяси жағдай, екіншісі – экономикалық мəселелер,
үшіншісі – əлеуметтік жəйттер, төртіншісі – ғылым-білім жəне,
бесіншісі – мəдениетіміз.
Қазіргі таңдағы саяси жағдай қалай болып отыр? Бір қо-
лыңмен Ресейді, екінші қолыңмен Қытайды құшақтап оты-
рып, өз бетіңше жасырын саясат жүргізу мүмкін бе? Алыстан
аузын ашқан Америкаң тура төбеңнен қарап тұрған сияқты,
ал бұлталаққа салып көр. Бір кездері белгілі жазушы Герольд
Бельгердің Қазақстанның осындай күйін балаға теңегені бар.