Basic HTML Version
254
ең алғашқы «Өрікгүл» деп аталатын күйімді 22 жасымда шы-
ғарған болатынмын. Ол менің жан-жарым Өрікгүлге арнал-
ған. Мен өзі ерте 21 жасымда үйлендім де, 22 жасымда тұңғы-
шымыз дүниеге келді. Ол уақытта Өрікгүл де студент, театр
бөлімінде оқитын. Соның бала əлдилеп отырғаны көңілімді
тербеп күй болып шықты. Таяуда ғана «Рахат» телеарнасы
«Жұмадағы жүздесу» бағдарламасына қонаққа шақырған еді,
сонда осы алғашқы күйім туралы əңгіме болды. Айтайын
дегенім, арада 35 жыл уақыт өткенде ғана ол бірінші күйімді
орындап бердім. Не нəрсеге де уақыт керек екен, оған да
Құдайға шүкір деймін. Негізі, ол күй сол уақытта-ақ бата алған
туынды болатын. Мен студент кезімде көріндім ғой, атақты
жазушы Əбдіжəміл Нұрпейісовке барып осы күйімді тартып
бергенмін. Ол кісі менің күй шығара бастағаныма риза болып,
қатты сырқаттанып жатқан сол кездегі Мəдениет министрі
Ілияс Омаровқа алып барды. Басын көтере алмай төсекте
жатқанына қарамай, Ілияс Омаров менің күйімді бастан-аяқ
көңіл бөле тыңдап шықты. Кей-кейде ойлап қоямын, қазіргі
министрлеріміз солай жасай алған болар ма еді. Ілияс Ома-
ров болса, «Айналайын, ерте үйленгенің де дұрыс болған.
Ерте үйленген адам ерте есейеді, қосағыңмен қоса ағар. Мына
алғашқы күйіңді бесіктен бастап, Өрікгүлге арнағаның да
дұрыс болған екен. «Ел боламын десек, бесігіңді түзе» де-
ген сөз бар ғой, алдыңнан жарылқасын!» деп батасын берді.
Онымен қоймай, ол кезде біз пəтер жалдап тұратынбыз, ауы-
рып жатқанына қарамай, орынбасарларына телефон шалып,
отбасылық жатақханадан екі бөлмелі орын бөлдірді. Менің
қаншалықты дəрежеде қанаттанғанымды білсең ғой...
Министрдің көңілінен шыққанына риза болған Əбдіжəміл
Нұрпейісов мені тура «Қазақстан əйелдері» журналының
редакциясына ертіп алып барды. Бұл 1970 жыл болатын.
Сол жылдың күздегі бір санына əйел мен гүлдің суреті қоса
берілген менің күйімнің нотасы шықты. Студент адамға бұл
дегенің үлкен бақыт еді. Бірі дүниеден өткен, бірі арамызда
жүр, менің осы екі кісіге деген ризашылығым шексіз. Солар-
дың маңдайымнан сипағаны үлкен күш беріп, аяғымнан тік