Basic HTML Version
247
ҒАРЫШТАҒЫ ҚАЗАҚ СПУТНИГІ
«Адамға табын, Жер, енді» деуге шамамыз жетпесе
де, тіршілігіміздің бесігі болып келе жатқан қара Жерге
ғарыштан сəлем жолдап тұрғанға не жетсін. Алайда, ол
көрінген елдің басына қона бермейтін үлкен бақ. Біз оның
қадірін, сондықтан да, жақсы білеміз. Дəл қазір адамзат
баласының бағы мен сорына қатар айналып отырған ға-
рышты игеру жұмыстары əлдеқайда алға басып кетті.
Ғарыштың бір есігі біздің елдің үстінде болған соң, оған
қол созу да басқаларға қарағанда жеңілірек. Дей тұрсақ
та, біздің еліміздің бүгінгі өлшемімен салыстырмалы түрде
алар болсақ, алда қыруар жұмыстар күтіп тұр. Соның
алғашқыларының бірі – Қазсат-2 байланыс спутнигін
ғарышқа ұшыру. Еліміз Премьер-министрінің Қазақстан
Республикасы Көлік жəне коммуникация министріне
отандық байланысты дамыту міндетін қатаң табыстап
отырғанында да үлкен мəн жатыр.
Шындығына келгенде, бұл жұмыстарды жүзеге асыру
бір ғана министрліктің қолынан келе қоятын шаруа емес,
сондықтан бұған еліміздің Білім жəне Ғылым министрлігі
де білек сыбанып кірісе бастады. Өткен аптада Астанада өт-
кен Қазақстан ғылымының шама-шарқын таразыға салған
жəне оны дамытудың басты бағыттарын белгілеуге арналған
халықаралық форумның қорытындысында мамандар жағы
Қазсат-2 жер серігі 2009 жылы дайын болатынын мəлімдеді.
Бүгінде белгілі болып отырғандай, қазақстандық екінші
байланыс спутнигін жасауға байланысты жарияланған кон-
курста тағы да ресейлік ғалымдар жеңіске қол жеткізді. Ал-
ғашқы Қазсатты дүниеге əкелген ғалымдар еңбек ететін
М.Хруничев атындағы мемлекеттік ғарыш ғылыми-өндірістік
орталығы, сөйтіп, жауапкершілігі мол жұмыстарды өз мойны-
на алып отыр. Ғарыштық байланыс орталығының вице-пре-
зиденті Ғабдуллатиф Мырзақұловтың айтуынша, ресейлік ға-
лымдардың жобасы қай қырынан алғанда да біз үшін тиімді