Basic HTML Version
248
болып отырған көрінеді. Ғарыш көгінде самғап жүрген еліміз-
дің бірінші байланыс спутнигінін құны 55 миллион долларға
түскен болса, ал мына екінші күрделілірек байланыс спутни-
гін жасауға 115 миллион доллар қаржы жұмсалатын болды. Бұл
өзі əлемдік бағамен салыстырғанда, шағын ғарыш кемелерінің
орташа бағасы болып табылады екен.
Халықаралық форумда Қазақстан ғылымының бəсекелестік
деңгейге көтеру жəне табыс көзіне айналдыру жолдары тағы бір
үлкен əңгіменің өзегіне айналды. Білім жəне Ғылым министрі
Бірғаным Əйтімованың айтуынша, келесі жылы жұмыс істей
бастайтын министрліктің жаңа институты – Ғылым қоры үкі-
меттің ғалымдарымызға жасайтын қамқорлықтарын жүзеге
асырып отыратын болады. Ғылымның табыс көзіне айналуына
да тікелей осы мекеме септігін тигізбекші.
«Дала мен Қала», 29 қыркүйек, 2006 жыл
ТƏУЕЛСІЗДІККЕ ТҰТҚА БОЛҒАН КҮН
Тарих еске алып отырғанды ұнатады. Ал біздің тарихы-
мыз, Құдайға шүкір, жетерлік.
Тарихтың, əлбетте, қуанышпен еске алатын да, өкініш-
пен қарайтын да тұстары болады. Алайда, қалай де-
сек де, ол еліңнің тарихы, өз тарихың. Еліміз күні ертең
тойлағалы отырған Республика күні мерекесінің де, міне,
тарих бетіне жазылғанына 15 жыл толып қалыпты. Бір
қарасаң, жас баланың ес жиып, ержеткен уақыты. Аз ба,
көп пе, ол жағының ара-жігі салыстырмалы түрде алғанда
ғана айқындалатын сияқты.
Осыдан 15 жыл бұрын – 1990 жылдың 25 қазанында Қазақ
КСР Жоғарғы Кеңесінің төрағасы Ерік Асанбаев еліміздің
егемендігі туралы Декларацияға қол қойған болатын. Кеңес
Одағының тұсында болған бұл оқиға, шынын айтқанда, айтуға
тұрарлық үлкен қуаныш еді. Содан бері, міне, елімізде 25 қа-
зан – Республика күні ретінде тойланып келеді.