Basic HTML Version
241
–Жаңа – актерлардың жас шамасы туралы сөз қозғалып
қалды, ұжымдарыңызға жаңадан қосылып жатқан жастар
бар ма өзі? Жалпы, осы жастар жағы келе бастағанда,
сіздерде іріктеу деген бола ма, оларды жұмысқа қалай
қабылдайсыздар?
– Бұл төңіректе мен бір рет əңгіме қозғағанмын. Мен кел-
ген кезде актерларымыздың ортасы жасы 49 жас шамасын-
да болатын. Сахнаға шығып жүргеннен кейін, өзімді де қоса
есептегенмін. Осы фактіні көлденең тартып, министрліктің
алдына қойғанымызда, олар біздің зарымызды ұғып, маған 12
актер алуға штат берді. Рұқсат алдым. Енді жасыратыны жоқ,
ол кезде жастар тапшы болғаннан кейін біраз қателіктер орын
алып қалды, ол рас. Кейбірін көркемдік кеңестің шешімімен
алдық, кейбірін сырт келбетіне қарай (сондай бір актер керек
болған соң) алдық. Сол бір кез өзі, «құланның қасынуына»
деген сияқты болды. Дайындалып жатқан спектаклімізге
сырт тұлғасы сəйкес келіп, алып жіберген кезіміз де болды.
Соларымыздың бəрі бірдей үлкен талапқа сай емес екеніне енді
көзіміз жете бастады. Жаңа басшымыз контрактілік жүйеге
көшеміз дейді. Ендігі жерде, мүмкін, актерларымыз өздерін
қолға алатын шығар дұрыстап.
Биыл Өнер академиясын бітірген тағы да 6 актер қабылдап
отырмыз. Бұларға өкпеміз жоқ. Себебі, олардың екеуі Жанат
Хаджиевтің курсынан да, төртеуі менің өз шəкірттерім. Бұлар
енді төрт жыл бойы көз алдымызда болып, сыннан өткен жас-
тар. Оларға жарқын болашақ тілеймін.
Бізде əлі де жастар жағы аз. Сонымен қоса, сапасы да үлкен
талап тұрғысынан келгенде көп ізденуді талап етеді. Жанат
Хаджиев екеуміз əлгінде ғана осы тұрғыда əңгімелесіп жатыр
едік. Біздің актерларымыз өз бетімен жұмыс істеуге шабандау.
Оқу, іздену жағы жеткіліксіздеу болып жүр. Бəрі қазіргі заман-
ды айтып жатады. Бұрынғы кезде баланы балабақшаға апара-
мыз деген, он-он бес жыл кезекте тұрсақ та үй аламыз деген
сияқты үміттер бар еді. Қазір бəріне өздері тырбануы керек,
соларды алға тартады. Оған дауымыз жоқ. Мен кейде жағдай
жасап, тіпті, той-томалаққа да өзім жіберіп тұрдым. Бірақ, ол