Basic HTML Version
220
біреу жақын келсе, оның пиғылы гүлге теріс əсер етіп, ол оған
зəрлі у шашады. Сондықтан да жанының тазалығына күмəні
бар адам гүлге жақындай алмайды. Сондықтан да Сөз құдіреті
тек таңдаулы, жаны айрықша таза адамдарға ғана бұйырады.
Бірақ, Адланың бұл сыйы, Ақынның алдағы өмірі де кір-
шіксіз таза болмаса, оның уысынан шығып кетуі мүмкін. Ал,
егер Ақын ғұмыр бойы жанын таза күйінде мəпелеп ұстай
білсе, кір шалдырмаса, Алла-тағала Ақынға мəңгілік өмір тар-
ту етеді...
Халқымыз қашанда өзінің талантты ұлдарын жоғары баға-
лап, қастерлеген, оларға Алла сыйға берген ерекше қасиеті-
не бас иген.
Даланың дарынды Ақындары туралы үлкендердің айтқан-
дарын ести жүріп, мен де осындай бас июшілікті бойыма сіңір-
іп өскенмін.
Бұл аңызды айтып отырған себебім, мен əрқашан кез кел-
ген бастаманың жеңіске жетуіне негіз болатын жан-дүниенің,
ойдың тазалығы деп санайтынмын, əлі де соған сенімдемін.
Жазушы болсын, жұмысшы болсын бəрібір, рухтың кемелде-
нуі – ең негізгі қасиеттердің бірі.
Бұл қасиеттің жеке адамға ғана емес, қоғамға да, мемлекетке
де қатысы бар. Рухани бай қоғамда рухы күшті халық болады.
Рухы күшті ұлт қана тəуелсіз мемлекет болады. Мемлекеттің
қуаты – рухани байлықта. Ал, рухани байлықты жасайтын
зиялы қауым, оның көшбасында ақын-жазушылар болары
тағы талассыз. Өйткені «дүниені билейтін сөз, сөзді билейтін
Ақыл». «Ең алдымен – сөз болған» деп қасиетті кітаптарда да
жазылған.
Əдебиет деген киелі нəрсе. Құдіреті күшті Құдай адам-
заттың аз ғана бөлігіне бір ерекше ықыласы түсіп, жазушы-
ларды жаратпаған болса, мынау жарық дүние бүгінгісінен гөрі
əлдеқайда күңгірттеніп, түнек басып кетер. Ал, енді жазушы
қашанда халықтың атынан сөйлейді ғой. Бұл орайда зиялы
қауымның, оның ішінде жазушының орны ерекше.
Біз мынаны басып айтуымыз қажет: бізге өнердің барлық са-
ласы керек. Алайда, осы бүкіл өнердің əкесі де, анасы да – сөз