Basic HTML Version
221
өнері. Кино, концерт, опера дегендердің бəрін алып қараңыз,
əдебиет болмаса, сцераний болмаса, олар бізге қайдан келеді?
Əннің сөзі болмаса, олар бізге қайдан келеді? Əннің сөзі бол-
маса, қанша мықты əнші, композитор болса да, құр ыңылдай
бермейді ғой. Ең арғысы балетті алыңыз – би өнерін, оның да
сценарийі болады. Сондықтан, сөз өнері – бүкіл өнердің атасы.
Ал, «көркем əдебиеттің күні өтіп барады» дейтін білгіштерге,
мен Л.Фейхтвангердің: «Көркем əдебиет жас баланы саяси
қайраткерге дейін тəрбиелейді» деген сөзін алға тартқым келіп
отыр.
– Сіздің радио мен телевидениеден сөйлеген сөздері-
ңізде, БАҚ-та жарияланған мақалаларыңыз бен сұхбатта-
рыңызда ел өміріндегі өзекті мəселелерді өткір көтеріп
жүргеніңізден жəне қоғамдық жұмыстарға да белсене
қатынасатындығыңыздан хабардармыз. Бүгінде Сізді
қаламгер, қайраткер ретінде қандай мəселелер толғанды-
рады?
– «Жазушы өз халқының адвокаты» депті Л.Толстой.
Халқының жоғын жоқтайтын, аталы сөзге тоқтайтын қай аза-
мат болмасын толғандырар мəселелер аз болмаса керек. Көздің
қарашығындай сақтайтын, аялап, ардақтайтын қымбаттыла-
рымыз да аз емес. Ең қымбаттың – халқың, қазағың! Қазақ
хандығы жойылғаннан бері бодандықтың тауқыметін тартып,
сорлап келген сол қазақтың ғасырлар бойы аңсаған, бүгінде
қолы жеткен ең үлкен бақыты – Тəуелсіздік! Сосын сол халық
пен Тəуелсіздікке қызмет ететін Əдебиет пен Өнер, Ғылым
мен Мəдениет! Өркениетті елдер алдымен осыларға мəн бер-
ген, түрлі апаттан осыларды құтқарған. Екінші дүниежүзілік
соғыста күлден гүлге айналған Жапонияның құпиясы да осын-
да. Қандай қиын кезеңнің өзінде де бұл ел білімге, ғылымға оң
көзімен қарады. Жапонияда жақсы дəстүр бар: бір адам идея
айтса, соған арнайы ақы төлейді, материалдық жағынан ынта-
ландырады. Жаңаның бəрі идеядан туады. Сондықтан жапон
елі табиғат байлығы болмаса да ғылымымен техника саласында
зор жетістіктерге жетті. Ал, еврей халқы қырық ғасыр қуғында
жүріп, мəдениетін, тілін, дінін жоғалтпады. Соның нəтиже-