Basic HTML Version
22
Қыздарымыздың қазіргі тəрбиесіне мұқият көңіл бөліп,
байыппен қараған адамға оның ұлдар тəрбиесінен титтей де
өзгешелігі жоқтығы байқалады. Шындығы да солай. Ұлдар
мен қыздар тəрбиесінің айырмашылықтарын санамалап ай-
тып шығуға кім де болса кібіртіктеп қалады. Əрине, мұны
еліміздегі етек жайған тең құқылықпен шатастыруға болмай-
ды. Негізі, «Қазақ қыздарына Совет өкіметі тұсында ғана тең-
дік тиді» деп айтылып қалып жататын пікірлерге қосыла кету
де қиын. Ел ішінде кездесіп қалатын бірлі-жарым ғана оқиғалар
болмаса, қазақ қыз-келіншектері əуел бастан-ақ еркіндікті
еншілеген. Тіпті, ерлермен қатар қадам басып, ел билігіне де
араласқандары жоқ емес. Алайда, ондай жандардың қайсыбірі
де, бүкіл қыздарымыз да өз орнын біле білген. Ибалықтан,
əдептен аттамаған. Қыздарымыздың қазіргі еркіндігі де ерек-
ше. Тəрбие беру де ұлдарға қарағанда көптеу болмаса, кем
емес. Алайда, соңғы уақытта əдептілік, ибалық, нəзіктіктен
аздап ажыратып алғандаймыз. Оның себептері қандай? Қазір-
гі заманымызда, шынымен-ақ, ұл мен қыз тəрбиелерінің айыр-
машылығы болмағаны ма? Өкінішке орай, солай болып отыр.
Иə, негізгі айтар əңгімемізге де енді келгендейміз. «Қазақтың
қыздар педагогикалық институты қоғам алдындағы өз міндетін
атқарды. Оқимын деген қыздарға өзге педагогика институт-
тары да жетеді. Оның үстіне, бұл оқу орны қыздардың əдептен
аттап, суық жүрістерге салынудың ордасына айналып бара-
ды. Қысқасы, институттың жабылатын уақыты жетті», – деген
сөздер, расында да, айтылмай жүрген жоқ. Мұндай пікірдің
шығуының да өзіндік себептері бар. Түкпір-түкпірдегі, алыс
аудандар мен шалғай шаруашылықтардағы қазақ қыздарының
көзін ашу, халықты оқу-ағартуға араластыру мақсаттарымен
қиын-қыстау күндерде ашылған оқу орны, бір қараған адамға,
шынында да, өз мақсат-міндеттерін, орындап үлгерген секілді.
Оның үстіне, республикамыздағы мектептер мен мектепке
дейінгі тəрбие беретін мекемелердегі 258024 педагог кадрдың
204 мың 368-і, яғни 79,2 пайызы əйелдер екен. Мұның белгілі
бір дəрежеде ұрпақ тəрбиесіне көлеңкесін түсіретіні де құпия
емес. Соңғы уақытта ұлдар тəрбиесі əңгімеге айнала қалса, осы