Basic HTML Version
187
Бұл ойым орындалмады, бірінші айлықтың ауылы алыс
болып тұр... Қаламсап сатып алғаным – шығынның басы ғана
екен, аудандық тіркеу бөліміне күнде баратын болдым. Жазған
құлда шаршау бар ма, тек табысымды шығындаған сайын кең
дүние тарылып, қос өкпем сығылып бара жатқандай болды.
Заң да қызық, тəртіп те жетісіп тұрған жоқ. Тіркеуге тұрғанда,
қайтадан жаңа құжат алу үшін суретке түсіп, куəліктің ақшасын
төлеп, əбден əбігерге түстім. Мұның бəрін қойшы. «Рентген-
нен өтіп, қағаз əкел» дегенде жыным қайнап кетті.
– Оу, мен мұнда курортқа келіп жатқам жоқ қой. Шаң мен
топырақтың арасынан шығып, май мен газдың арасында қара
жұмыс істеу үшін келіп тұрмын емес пе?! – дедім екілене ап-
тығып.
– Мүмкін ауру шығарсыз.
– Өздерің оттай береді екенсіңдер, базардағы қаптаған
жұрттың бəрін Алматыға рентгеннен өткізіп кіргізіп жатыр-
сыңдар ма? Əлде, заңды түрде төлқұжатын тіркеткен адам ғана
қауіпті ме?
– Базарда шаруамыз жоқ, бізде заң солай...
Амалсыз, ауылдасымның айлық алуын күтіп бір жарым ай
жаттым да қойдым.
Енді асығатын түк те жоқ еді. Келісілген жұмысым екі-
үш күн күтіпті де, басқа адамды қабылдап қойыпты. Маған
бəрінен бұрын батқаны осы болды. Енді не істеймін? Базардың
айналасына шығамын ба? Мұндайын білгенде, тіркеуге тұру
үшін босқа сабылмас едім-ау. Қалада төлқұжаты тіркелген
саудагердің қолы жақсы жүреді дегенді естіген емеспін».
Иə, сөйтіп, Алматы тағы бір жұмыссызбен толықты. Бұл
Ерланның ғана басынан өтіп жатқан жағдай ма? Сан мың Ер-
лан жатқан шығар жоғары жақты балағаттап... Елдің аузына
ешкім тосқауыл бола алмайды.
Жарайды, бір облыстан екіншісіне орын ауыстырған азамат
үшін жаңа ортасына есепке еніп, тіркеуге тұруы қажет-ақ делік.
Ал, куəлік айырбастау не үшін керек? Тіркеуге тұру, тіркеу-
ден шығу əурелеріне арнайы бланкі қағаз толтырылса да жет-
пей ме? Əлде, бұл – ішкі істер органындағы қызметкерлерді