Basic HTML Version
182
Мақсатты істе бірге еңбек етіп келе жатқан Сəрсенбі Дəуітов
пен Қайрат Сақов, Пəкизат Əуесбаева, Серікбай Қосанов,
Тоқтар Əлібеков сияқты жас ғалымдар легі өшкелі қалған ұлт-
тық рухтың арамызға қайта оралуына септіктерін тигізуде.
Бұйыртса, алдағы таңда «Түркістан уалаятының» газеті» де
өз шырағын қайта тұтандырмақ. Өткенімен табысып, өшкенін
тұтандырған қазақ ендігі жерде рухсыз болмас. Лайым, үстем
бола түссін! Ал, Үшкөлтай Субханбердинаның ес білгелі ат-
қарып келе жатқан қасиетті іс-əрекетіне əділ баға беру, қадір-
леп қастерлеу, қайсымызға болсын, ар алдындағы сыни сəт
секілді. Қалай десек те, ол бүкіл бір тарихи кезеңді қайта оятқан
алып қоңырауды көз алдына əкеледі де тұрады...
Бəрінен бұрын, санамызда идеология арпалыстары өтіп
жатқан бүгінгі таңда Ахмет Байтұрсынов, Міржақып Дула-
тов, Əлихан Бөкейханов сияқты басқа да ұлы тұлғалар рухын
бойымызға дарытудың берері мол болмақ. Ал, олардың үнін
бізге жеткізу оңайлықпен келген жоқ.
«Түркістан» газеті, 16-22 желтоқсан, 1998 жыл.
ҮЛКЕН ЖҰМЫС КІШІ ТАНЫСУДАН БАСТАЛАДЫ
Қазақстандағы Иран Ислам Республикасы елшілігінің,
үшінші хатшысы Мехран Мовахад Фар мырза мен
«Түркістан» газеті Бас редакторының бірінші
орынбасары, Дидахмет ƏШІМХАНҰЛЫНЫҢ сұхбаты
Сіздің есіміңізге сырттай жақсы таныспын десем да болады.
Иран Ислам Республикасына барған сапарыңызда бұқаралық
ақпарат құралдарының өкілдеріне берген сұхбатыңызға да,
еліңізге келген соң, газетіңіздің бетінде жарияланған сапарна-
ма мақалаңызға да Елші мырза ризашылық танытқан болатын.
Ол кісі Бас редактор Қалтай Мұхамеджан мен сіздің есіміңізді
ілтипатпен атайды. Арнайы келіп танысып отыруымның да
себебі сол.