Basic HTML Version
168
қыны мəселесіне арнаған сияқты. Оған жазып жүрген жаз-
балары да, ықтияттап жасаған альбомдары да куə. Зекең оны
бір кездегі күндердің ескерткіші ретінде емес, алдағы күнге
ескертпе ретінде жасаған. Мысалы, түрлі газет-журнал, кі-
тап қиындыларынан, фотосуреттерден ыждағатпен жиналып,
жапсырылған ардагер альбомының ортақ тақырыбы «Бейбіт-
шіліктің» қадірін біл, болашақ!» деп тұрғандай.
«Түркістан» газеті, 6 – 12 мамыр, 1998 жыл
ƏУЕ ТОЛҚЫНЫНДАҒЫ «ЖАНСЫЗДАР»
Биылғы жылдың 4 маусымындағы «Ана тілі» газетінің
барлық қазақстандықтарға арнаған Үндеуі бəріміздің жүре-
гімізді сыздатып жүрген мəселені көтеріп, көңіл пернесін
дөп басты. Халықымыздың болашағына кері əсерін тигізетін
жүгенсіздікке қарсы күрестен біз де сырт қала алмаймыз.
Өгізге туған күн бұзауға да туады. Өркениетті өзге жұртта
көгілдір экран баяғыда-ақ «ХХ ғасырдың трагедиясы» аталған
болатын. Алайда, бұл сөзді жаппай сауатсыздықтың етек
алуына байланысты ғана айтуға болмайтын сияқты. Мұның
құрығы біздің еліміздің мойнына ХХІ ғасырда мықтап ілінгелі
тұрғандай. Əуе толқыны арқылы үйді-үйге еніп үлгерген идео-
логия «жансыздарының» осал емес екендігін айналдырған
төрт-бес жылдың өзі-ақ аңғартып отыр. Дəлел қажет пе? Оны,
тіпті, іздеп те əуреге түспейсіз, айнала толған дəлел.
Үйінде балаға қарайтын адам болмай қалып, əріптесім Ер-
мек Сахариев өткенде бірінші сыныпты тауысқан ұлын жұмыс-
қа ерте келді. Кабинеттегі бос үстелде өзімен-өзі ойнап отырған
бала қағазға бірталай сурет салып тастапты. Анау айтқан жай
шимай-шатпақ емес, Еркебұланның бейнелеу өнеріне деген
икемділігі, талабы сүйсінтерліктей екен. Алайда, бүлдіршін
қағаз беттерінде нені бейнеледі деп ойлайсыз? Əрине, өз
ойында, көңілінде берік ұялаған көрген-білгенін түсіріпті. Бəрі
шетінен – шетелдік мультфильмдер мен кинолардағы кейіп-
керлер.