Basic HTML Version
159
қойған сауалының түрі анау, жын қағып кеткендей, өзімнің
халімді, əке-шешесінің жəйін сұрамай, байпақты əңгіме етіп.
Əңгімелесе келіп, Жұмағалиға жолықтырған құдайыма мың
да бір рахмет айттым. Сол кісі болмаса, елге қайту ойында
жоқ құсайды. Украина халқына батырлық даңқымен танылып,
əйгілі болып қалған адам, ал Қазақстанда ел танымақ түгіл,
менің өзім қайда жүргенін білмеймін. Сол кездегі жағдаймен
санассаң, Қасекеңнің ойының дұрыстығын көзің жеткендей де
болатын.
Шынын айтса, солжылдары көп отбасыныңшырқыбұзылды
ғой. Елде жүріп, еңбегімен елге танылған, қандай тамаша қыз-
келіншектерге ішімдіктің қырсығы да тиді. Іштерінде қы-
жылдары бар күйеулері ұрыс-керіс шығарып, көбісін жүнжітіп
жіберді. Қасекең қанша өзгеріп кетсе де, əйтеуір ондай ұсақ-
түйектікке барған емес. Не болса да, дүң еткізіп, тура айтып
салатын. Гүрілдей сөйлеген даусына көпке дейін үйрене алмай
жүрдім. «Украина жақта қалған əйелі бар шығар, мені қай күні
қуып жіберер екен?» деген ойдың да мазалағаны рас. Бəріне
көнуге тура келді. Жатсам-тұрсам, Қазына əжемнің (əкемнің
шешесі) «Екі босаға аттаған қыздың басын шабу керек» де-
ген үнемі айтып, ескертіп жүретін сөзі жадымнан шықпады.
Бұрынғылардың мұндай тəрбиесі талай отбасы шаңырағының
берік іргетасына айналғаны шындық. Алпыс жылдан асқан
біздің шаңырағымыздың берік болғандығын мен осы əжемнің
тəрбиесінен көремін.
– Қасекеңді кезінде партиядан да шығарып жіберген
дейді ғой осы...
– Е, Қасекең тынышжүрген бе? Бастық демейді, басқа демейді,
турасын айта салып, қарап отырады. Сондай əңгіменің қырсығы
ғой – талай тигені де. Қасекең Жеңіл өнеркəсіп министрлігінде
жұмыс істеп жүріп, қазіргі «Балалар əдемі» дүкенінің төменгі
жағындағы үйлердің бірінен пəтер алатын болды. Үй мəселесінен
көп қиындық көрген біз болсақ, мəзбіз. Əне-міне, кіргелі жүрген-
де, Қасекең сол кездегі министрдің орынбасары Плеуэн дегенмен
сөзге келіп қалып, соның ақыры партиядан шығаруға, кіргелі тұр-
ған үйден айырылуға келіп тірелді. «Социалистік Қазақстан-