Basic HTML Version
160
ның» редакторы Қасым Шəріпов араласып, республикалық
прокуратураға өтіп кеткен мəселені біздің пайдамызға шешіп
берді. Ол кездегі басшылардың өз қарамағында істеген қызмет-
керлерге деген қамқорлығы, көмегі жақсы еді ғой. Бір жағы –
аяғым ауыр болатын, оның үстіне қақаған суықтың кезі. Редак-
тордан бастап, бүкіл ұжым мен үшін арашаға түсті. Əйтпегенде,
үйсіз-күйсіз жүріп, тоз-тозымыз шығып кетер ме еді?
– Жас кезінде Қасекең үй-ішінің тірлігіне қалай еді?
– Соғыстың кезінде партизандардың командирі болам деп,
тік тұрып, тік жүргенге үйреніп кеткен-ау. Үйге қарау, көмектесу
дегенмен шаруасы жоқ. Еркін жүрістің адамы болды. Бірақ, бір
жақсы жері – өте балажан еді, əлі сондай. Ұл-қызымыз – Лəззат,
Мұрат, Болат, Толқындардан сүйіп отырған он бір немереміздің
бесеуі жоғары оқу орындарын бітірді, қалғандары мектепте
оқиды.
– Ал, əже, əңгімеңізге көп-көп рахмет! Қасекең екеуіңіз-
дің шаңырақ көтергендеріңізге алпыс жыл болған екен,
енді Алла сексен жылдықтарыңызды тойлауға жазсын.
«Түркістан» газеті, 22 – 29 көкек, 1998 жыл
АЛА-ҚҰЛАЛЫҚТАН АРЫЛУ ҮШІН...
Алматы қалалық Ақпарат жəне қоғамдық келісім
басқармасының Тілдерді дамыту бөлімі өткізген
«Дөңгелек үстел» не көрсетті?
Саясат пен тілдің арасында байқалмас қылкөпір бар, кез-
келген елдің мемлекеттік тілді заңмен белгілеуі де сондықтан.
Заңды бұзу – қылмыс, біз оны аксиомаға жатқызамыз. Қылмыс-
тың соңында, қашанда, жаза тұруы қажет, өйтпеген жағдайда,
заңының құны бес тиын. Ал, əрбір заң сол мемлекеттің сал-
мақ дəрежесін айқындамақ. Ендеше, еліміздің заңдарын құн-
сыздандырмау да басты мақсатымыз болса керек.
Заңмен белгіленген мемлекеттік тіл мен екінші бір тілдің
арасына теңдік белгісі қойылған тұста, оның қайсысын таң-