Basic HTML Version
120
О баста тəңірлік дінмен рухтанып, қазірде исламға ден қой-
ған қазақта діннің болашағы, оның мемлекетпен арақатынасы
қандай?
Біз қазір қазақ жастарының өзге дінге ауысып жатқандығын
көп айтып жүрміз. Меніңше, мұдай жағдайдың белең алуы-
на екі түрлі себеп бар. Ол – түсінбеушілік пен мəжбүрлік.
Дін негіздері мен оның мəн-мағынасын тереңірек түсіндіріп,
талқылап-талдамайынша халықтың дінге деген адалдығын,
беріктігін сақтап отыру қиын. Құрғақ ауызша айту мен үстірт
баяндау ешқандай нəтижеге қол жеткізбейді. Бұл орайда діни
мекемелердегі аузынан «алласы» түспейтін діндарлар ғана
емес, ғылыми орталықтарда еңбек етіп жүрген дінге көзі ашық
қызметкерлердің белсенділік танытқаны жөн.
Енді мəжбүрлікке келейік. Қайда барып, қайда тұрары, қа-
лай күн көрерін білмей, есеңгіреп жүрген адамның санасын
тұрмыс билейтіндігі бұрыннан-ақ белгілі. Өзіне діндегі мисси-
онерлер осындай ұрымтал тұсымызды дəл тауып отыр. Басына
баспана беріп, жағдайын жақсартып отырса, айналып келген-
де, табынар құдайы бір болып тұрса, жастарға одан артық не
қажет. Оның үстіне, өзге діннің өкілдері уағыз айтуға, үгіт,
түсінік жұмыстарын жүргізуге барлық мүмкіндігін жұмсайды.
Бұл тұрғыдан келгенде, мұсылмандықты пір тұтар біздің діни
қызметкерлеріміз өзге дінді белсенділерден үлгі-өнеге алғаны
дұрыс.
Жетпіс жылдан астам билеп келген коммунистік идеоло-
гия санамыздағы өз орнын босатқанына аз жыл өткен жоқ.
Ал, санамыздағы «ваканция» өз орнын толтыруы қажет. Сол
санадағы босаған орында билік құруға өзге діннің өкілдері ба-
рын салып бағып отыр. Мұның соңы келешекте үлкен мəселе
тудыратыны белгілі. Олар, сондықтан да, соңғы нəтиже,
түпкі мүдде үшін кез-келген құрбандыққа бас тігуде. Респу-
бликамыздан тыс жерлерде олардың қолдаушысы, мүдделі
демеушілері жеткілікті. Аты дін деп мемлекеттен бөлектеп тас-
тап отырған да жоқ. Ұлттық не мемлекеттік идеология ретінде
атап көрсетілмей-ақ, айғай-шусыз сол деңгейден көрініс тауып
келеді.