Basic HTML Version
111
Емдеу ісінің проблемалары мен болашағы, денсаулық сақтау
саласын ретке келтіру барысындағы дəрігерлік ғылым мен бі-
лім беру, мемлекеттік емес секторлар қызметі сияқты басқа да
мəселелер кеңінен талқыланған үлкен жиында денсаулық сақтау
саласының болашағына бастар басты жолдар белгіленді.
Соңғы кездері кеңірек етек алып кеткен нашақорлыққа бай-
ланысты өлім жазасын қолдану жəне қажетті дене мүшелерін
емдік істерге пайдалану, республикамызда іштегі баланы ал-
дырып тастауға тыйым салу төңірегінде қозғалған əңгіме
қарапайым жұртшылықты да елеңдетер жəйт. Осындай кезекті
əдісінен оралған əйеліне бір жігіт «Осымен нешінші баланың
көзіне құм құйдың?» деп ренжіген екен. Қазірде бұл мəселенің
тек отбасылық қана іс болмай отырғаны белгілі. Дəрігерлер
бұл іске тыйым салудың кері реакция беретіндігін, яғни іштегі
баланы қылмыстық жолмен немесе алыс-жақын шетелдерге
барып алдыру сияқты келеңсіздіктердің белең алатындығын
айтты. Тыйым салудан гөрі оны азайтуға, тіпті болдырмауға,
əлеуметтік-экономикалық жағдайға байланысты отбасын жос-
парлауға күш салудың тиімділігіне баса назар аударды.
Алла ауыртпасын деңіз, əйтпесе дəрігер алдына баруға бə-
рібір мəжбүрсіз. Ал бара калсаңыз, ақылы емдеу мен тегін
емделудің ара жігін ажырата алмай дал боласыз. Себебі, мем-
лекеттік секторға енетін емдеу орындарының өзінде шаншы-
тар инеңізден бастап түрлі дəрі-дəрмекті, тіпті бинтіңізге дейін
өзіңізбен ала жүресіз. Əрине, олар жоқ емес, емханаларда бар
да. Бірақ «Сіздерге арнайы бөлініп отыр ғой, неге соны пай-
даланбайсыз?» деп дауласа кетуге емделушінің бара қоюы
екіталай. Олай еткен адамның ыстық ықыластан құралақан
қалуы мүмкін. Съезде талқыланған дəрігерлердің əл-ауқаты,
экономикалық жағдайы жақсармайынша, əлгіндей «айтылмай-
тын» əңгімелер көбейе береді.
Сананы тұрмыс билейтін мына заманда Гиппократ анты-
нан өзге ант ауырлау тиді ме, Қазақстан дəрігерлері мен про-
визорлары ассоциациясының конференциясында əзірленген
«Қазақстан Республикасы дəрігерінің анты» қабылданбай
қалды. Жалпы, дəрігер атаулының бəрі о бастан тек қана Гип-