Basic HTML Version
110
Иə, бес жыл бойына ауру адамды, оның жай-күйін өз көзі-
мен көрмей, қандай аурудың қалай болатындығын байқап,
диагноз қойып көрмеген дипломды дəрігерге адам тағдырын,
ертеңімізді қалайша сеніп тапсыра алмақпыз? Ондай дəрігер-
дің кімге қажеті бар?
Əрбір егеменді ел өз тəуелсіздігін ілім-білімімен де көрсете
білуі қажет. Бұл орайды, шүкір, əлемнің түрлі елдері мойындап
отырған жекелеген ғалым, зерттеушілеріміз жоқ емес. Алай-
да, ел-жұртымыз арасындағы болмашы сырқаттарды емдеу
үшін ертеңгі таңда сырттан маман дəрігерлер шақыртып жатар
болсақ, ұяттың көкесі сонда болады. Оны болдырмау үшін осы
бастан нақты іс-шаралар атқара білгеніміз жөн. Яғни, дəрігер
мамандарымыздың біліктілігін көтеріп, қажетті дəрі-дəрмектер
мен құрал-жабдықтардың тапшылығын жою керек. Сонда ғана
дəрігерлеріміздің дəрменсіз еместігіне жұрт иланар, сонда ғана
ел арасын меңдеп келе жатқан түрлі ауру-сырқауларға қарсы
жүйелі күресе алмақпыз.
«Егемен Қазақстан» газеті, 27.01.93 жыл
ДƏРІГЕРЛЕР АНТ ҚАБЫЛДАУДАН БАС ТАРТТЫ.
НЕГЕ?
Қазіргі таңда қай саланың тасы өрге домалап тұр дейсің.
Баяғыда нарық есігімізді қақпай тұрғанда-ақ проблемасы шаш-
етектен болып жататын дəрігерлеріміздің бүгінгі таңдағы хал-
жайын көзге елестету аса қиын емес. «Съезде бірдеңешешілетін
бе еді» деп бір танысымның кесіп айтқанымен, қордаланған
ауқымды мəселелерді біріге бас қосып, талқыға салудың қажет
екендігі түсінікті нəрсе. Оған алдыңғы өткен аптада өткізілген
республика дəрігерлерінің І(V) съезін қорытындылауға арнал-
ған баспасөз конференциясында министрліктің Денсаулық
сақтау комитеті төрағасының орынбасары Айхан Ақанов бо-
лып өткен съездің Жолдауды талқылауға тұспа-тұс келгенді-
гін атап айтты.