Basic HTML Version
104
тағдыры бұл күндері тəуелсіздік таразысына үлкен салмақ
салып отыр. «Ортақ өгіз» жүйесі кезеңінде республикамыз
дəрі-дəрмектің бар болғаны, бір пайыздайын ғана өзі өндіріп,
99 пайызға жуығын сырттан сатып алатын. «Оңаша бұзауды»
ноқталаған қазіргі кезеңде қалыптасқан жетпіс жылдық жүйе
бұзылып, еліміз экономикасының қалтасына алаңдауға мəжбүр
болдық. Ресми емес кейбір деректерге қарағанда, сырттан са-
тып алынатын дəрі-дəрмектер үшін бөлінген қор алдағы алты
айдың ішінде түгесіліп бітетін секілді. Ал, түрлі жолдармен «өз
аяғымен» келген дəрілердің базардағы бағасына халқымыздың
қалтасы қазірдің өзінде сай емес. Сонда не істеуіміз керек? Ал-
пыс апасы мен жетпіс жездесін қосақтай келер қарға тамыр-
лы індеттерді айтпағаннның өзінде, жылына екі-үш рет тиіп-
қашып, «əзілдесіп» жүретін кəдімгі тұмаудың өзіне құрбандық
шалып, қарап отыра бермекпіз бе? Бұл тақылеттес сауалдар ақ
желеңді абзал жандарды ғана емес, қалың көпшілікті де маза-
лап келеді.
Республикамыздың осыған дейін шикізат көзі ғана болып
келгендігі жайындағы əңгімені осы дəрі-дəрмек төңірегінде де
өрбітуге болады. Біздің кең-байтақ жерімізде қазба байлықтар
ғана емес, емдік қасиеті бар өсімдіктер де мол. Бұрындары
оларды шама-шарқымызға байланысты жинап-теріп, ортақ
арбаның үстіне салатынбыз. Ал, сол шөптерден жасалын-
ған дəрі-дəрмекті өзіміз қайтадан қымбат бағасына сатып
алып келдік. Тіпті, бүкіл Одаққа белгілі дəрі-дəрмек зауы-
ты өзіміздің Орал қаласында орналасса да, бұл жүйеде бізге
жеңілдік болған емес. Шымкент қаласындағы химиялық-фар-
мацевтикалық зауыт та негізінен, осылайша шикізат əзірлеп
беріп тұратын. Тек, былтыр ғана Қазақстан Республикасы
Министрлер кабинетінің қаулысымен өз табиғи ресурстары-
мыздан дəрі-дəрмек өндіретін бірден-бір концерн («Казфарм-
биопром») болып құрылды. Осы мақаланы əзірлеу барысын-
да аталмыш концерннің Алматыдағы көзі болып табылатын
шаруашылық есептегі «Дəрі-шөп» кəсіпорнының жұмысымен
таныстық. Мұндағы шағын ұжым мүшелері осы аймақтардағы
дəрілік шөптерді жинастырумен айналысады екен.