Basic HTML Version
105
– Дəрілік шөптерді жинауға əзір жаппай кірісе алмай жа-
тырмыз. Бар күшімізді салып еңбек етуге қаржы жағы ерік
бермей тұр. Дала шөбін жинаушыларға еңбекақысын қолма-
қол беру мəселесі мен үкімет тарапынан бізге қолдау көрсету
мəселесі шешілмейінше, тындырымды іс-шаралар атқарамыз
дей алмаймыз. Тіпті, мəшинелердің жанармайы мен қосалқы
бөлшектерінің қаттығы да бізге үлкен қолбайлау болуды, –
дейді кəсіпорын директоры Қуат Өтежанов мырза.
Басшы сөзінің жаны бар. Дəрілік шөптер өсетін аймақтар,
қанша дегенмен, белгілі бір шаруашылықтарға қарайды. Олар-
дың əрбірімен келісімге тұрып, рұқсатын алудың өзі де оңай
көрінбейді. Қазіргі таңда қайсыбір шаруашылық болсын, қар-
жы мəселесін бірінші орынға қояды. Нарық жағдайында «Ақ-
шаң бар ма – ал, жоқ па – қал» принципіне ыңғай білдіргеніміз-
бен, кейбір халықтық мəні бар істерде одан бойды аулақ ұс-
таған да дұрыс сияқты. Оның үстіне, есебін тапқан түрлі
коммерциялық, кооперативтік ұжымдар бұл істе алдарына
жан салмай, жиған-терген дəрілік шөп-тамырларды шет жер-
лерге валютаға өткізіп жатқан қазіргі таңда бірден-бір рес-
ми мекеме болып табылатын «Дəрішөптің» қызметіне бүкіл
ел біріге көмек көрсетсек те, артықтық етпеген болар еді.
Əсіресе, шаруашылықтардың жерлерінен дəрілік шөптерді
жинастыруға жоғары тараптан арнайы рұқсат алып беру мен
еңбекті ұтымды ұйымдастыруға қаржы бөлу істерін біржақты
шешпейінше, бұл кəсіпорын халық сұранысын қанағаттандыра
алмақ емес. Шүкір, жерімізде дəрілік шөптер жетерлік, оны
жинаушылар қатары да табылмай қалмас. Үкімет тарапынан
дəрі-дəрмекті өз елімізде шығара бастау жайында арнайы ше-
шім де қабылданды. Ендігі шаруа – алға қойылып отырған
осындай үлкен мақсатты жүзеге асыруға күш салу. Сонда
ғана экологиялық апаттардың əсерінен зардап шеккен ел-жұр-
тымыздың денсаулығын нығайтып, дертке шипа, жанға дауа
табуымыз мүмкін.
«Егемен Қазақстан» газеті, 30.12.1992 жыл