Basic HTML Version
103
Міне, осылардың бəрі жолсеріктерді де қинамай отырған
жоқ. Жастар жағының шыдамсыздық танытуы да, көбіне арақ-
шарап ішумен əуестеніп кетуі де осыдан келіп туындап жата-
ды. Қайта, кейінгі кезде біздің қатарымызға түрлі саланың ма-
мандары келіп қосылуда. Бұлардың ішінде, əсіресе дəрігерлік,
оқытушылық салалар бойынша еңбек етіп келгендерінің бізге
көп-көп пайдасы тиюде. Олар, қанша дегенмен, ұстамды қауым
емес пе, кез-келген ортада жолаушылармен тіл табыса біліп,
жақсы жұмыс істеп келеді. Шынымды айтсам, бізде еңбек ету-
ге осындай жандардың көптеп келгенін қалар едім.
– Қазеке, ақтарыла айтқан ашық əңгімеңізге жолаушы
оқырмандарымыздың атынан рақмет айтамыз. Жолау-
шыларға да, жолсеріктерге де сəт сапар тілейміз.
«Егемен Қазақстан» газеті, 26.12.1992 жыл
ДЕРТКЕ ШИПА, ЖАНҒА ДАУА
Қазір кез келген мəселе төңірегінде əңгіме өрбітсек те,
кешегі КСРО-дағы жағдайымыз бен бүгінгі тəуелсіздіктегі
талпыныстарымызды салыстырмалы түрде алып отырмауға
болмайтын сияқты. Бұл жолы да айтарымызды осындай қалып-
тасып қалған қасаң қағида шеңберінде бастауға мəжбүр болып
отырмыз.
Шаттықты да өкінішті өмірде, зейнетінен бейнеті мол, тұр-
лауыжоқ бұл тірлікте адам баласының балтыры сыздап, белі ау-
ырмауы, жүрегінің жұлқынып, бүйрегінің бұлқынбасы мүмкін
де емес-ау. Оған адамзаттың өз қолынан туындатып отырған
айықпас сырқаттар қатарын қоссақ, бұл мəселе төңірегінде
терең толғанып, орынды ой қозғаудың қажет екендігін түсі-
неміз. Үзеңгісіне енді ғана аяғымызды салған тəуелсіздік-
тұлпарға орнығып отыруымыз үшін де, ең алдымен, мықты
денсаулық, тұғырлы тұлғамыз болуы керектігін дəлелдеп
жатудың өзі артық. «Жарқын болашағымыз – коммунизмнің»
іргетасын қалау жолыңда зəр жұтып, қан құсқан талай тəннің