Basic HTML Version
79
ты қызметтерде жұмыс істейді. Мəселен, 1919-27 жылдар
аралығында Семей губревкомының құрамында заң бөлімін бас-
қарса, 1927-28 жылдары Сырдария округтік адвокаттар кол-
легиясының мүшесі болады. Қуғын-сүргінді күндердің бəрі де
артта қалғандай болып, халқы үшін енді ғана бар күш-жігерін
жұмсап, еңбек ете бастағанда, ел ішін өрттей жайлаған репрес-
сия науқанының жалынына күйді. 1929 жылы жалған айып-
тар тағы да жағадан алып, Воронежге жер аударылады. Алай-
да, 1934 жылы ауруының асқынып, еңбекке жарамсыз болып
қалуына байланысты түрмеден босатылады. Алаштың асыл
азаматы Алматыға оралған сол жылы əділдік таппаған күйде
науқастың салдарынан көз жұмды. Тек соңынан ғана, жекебас-
қа табынушылық айыпталып жатқан кезеңде, 1958 жылдың
28 ақпанында Қазақ ССР Жоғарғы Сотының Қылмыстық
істер жөніндегі сот коллегиясы оны толық ақтап шықты.
Жақып мырзаның революциялық еңбегі жөнінде жазылған
еңбектер қазірде бірен-саран ғана болып отыр. Ең алғаш ол
туралы Б.Сүлейменов пікір білдірсе, онан кейін Ақбаевтың
қызы, доцент, марқұм А.Жақыпова мен Ғ.Сапарғалиев (қазіргі
Қазақ ССР Ғылым академиясының мүше-корреспонденті)
бірлесе отырып, адал азамат жайында зерттеу еңбектерін
жазды. Былтырғы жылы «Орталық Қазақстан» газетінде та-
рих ғылымдарының кандидаты Рамазан Сағымбеков көлемді
мақала жариялады. Ж.Ақбаевтың аты-жөні, өмірбаяны 1989
жылы шыққан Қазақ ССР-інің қысқаша энциклопедиясында,
1990 жылы шыққан «Қарағанды жəне Қарағанды облысы» де-
ген энциклопедиядан орын алған. Қазірге осы болып тұр.
Ж.Ақбаев қазақтың əдет-ғұрып заңдарын, соның ішінде семья-не-
ке правосын зерттеп, баспасөз бетінде көптеген публицистика-
лық материалдар жариялады. Бұл орайда оның Орыс геогра-
фиялық қоғамының Семей бөлімшесінің жазбаларында 1907
жылы жарық көрген «Қазақтардың қатардағы правосы, оның
ішінде семьялық-неке правосы» деп аталатын еңбегін де айта
кеткен жөн. Оның бұдан басқа да əдет-ғұрып, салт-дəстүр жай-
ында жазған еңбектері баршылық. Осылардың бəрін жинақтап,
жеке кітап етіп шығару кезек күтпес игі істің бірі болар еді.