Basic HTML Version
66
ді ме, христиан дініне кірді ме, ислам дінін қабылдады ма,
ол жағы тарихымызды білуіміз үшін, бəлкім қажет шығар...
Пікірталас алаңында қаншама ойнақтасақ та, бір нəрсенің басы
ашық та анық. Ол – əйтеуір бір дүниеге деген наным-сенім
жоқ халықтың болмайтындығы. Ерте қабылдадық па, кеш пе,
біздің халқымыздың ислам дінін мойындайтындығы жəне рас.
Ол айтылды да, айтыла алмай да келді, айтылып та жүр. Біздің
білетініміз – мың-миллиондаған үлгілі атеистеріміздің өздері
жарық дүниеден баз кешерде, тіпті кейбірі кəрілік атты үлкен
тұзаққа мойындары ілінген сəттен-ақ, жаратқан иені есіне ала-
ды, жалбарынады. Олай болмай қалған күннің өзінде, артында
қалған ұрпағы жаназасын шығарып, арулап, шариғат жолымен
жер қойнына жөнелтеді. Олай болса, бəріміздің көзімізге ап-
анық көрініп тұрған дүниенің бетін көлейгейлеп, перде тұтып
қайтеміз?!. Қайсыбірі демейік, дін болған, əзірге жойылмайды.
Дінсіздіктің неге апарып соқтырып жататындығы төңірегіне
аз айтылып жүрмегендіктен де, біз қазіргі таңда орын алып
отырған кейбір мəселелерге ат басын тірейік.
Соңғы жылдары «Жастарымыз бұзылып кетті, жасамай-
тын қылықтары қалмады. Осының бəрі де дінсіздіктен» де-
ген сияқты сөздерді екінің бірінің аузынан естуге болады де-
сек, асылық айтқанымыз емес. Қит етсе болды, əйтеуір, жас
ұрпағымызды, өзіміздің болашағымызды кінəлап, жағаларына
шап беруге əзірміз. Жəне де сол айтқандарымызға өзіміз сеніп,
иланамыз. Ал, «Жастарымыз неліктен солай болып кетті?» де-
ген сауалға келгенде, ұяты барлар төмен қарар, басқаларымыз
«суға кеткен тал қармайдыға» басып, түрлі себептерді судай
сапырып, қымыздай қылғытамыз...
Сонымен дінсіздікке жол берген кім? Əрине, уақыт, заман
дерміз, оған дауымыз жоқ. Ал, қайта құру басталғаннан бері не
бітіріппіз? Мешіттер салынуда. Құран тəржімаланып, жарыққа
шықты дерсіз, ол да жөн. Дегенмен, солардан жастарымызға
келіп кетіп жатқан пайда қане? Біздің де айтпағымыз осы төңі-
ректегі мəселелер болатын.
Айтыңыздаршы, қазіргі таңда дінді «таратушы насихатшы-
ларымыз» кімдер? Қып-қызыл саудагерлер! Сонау қиыр шетте-