Basic HTML Version
50
жұмыс атқаруға дайын. Мəселен, Жапонияның «Асахи» кино-
фирмасы біздің балалар Қорымызға аса қымбат сəуле өлшегіш
құрал (дозиметр) сыйлады.
Қазіргі таңда қолға алынып отырған іс-шаралар қатары да
аз емес. Семей іргесіндегі Ертіс өзенінің жанынан балалар үйін
тұрғызуды көздеудеміз. Бұл үйдің ерекшелігі сол – бұрынғы
үлгідегі балалар үйі балалар түрмесінен аумайтын болса, біз
жеке үйлердегідей, кəдімгі өмірдегідей етіп тұрғызбақпыз.
«Күнəсін түсінген күнəһар – періштеден де артық» деп қа-
сиетті Құранда да жазылған емес пе? Біз, жалпы адамзат, өз
қолымызбен жасаған қасіретті түсіне біліп, күнəмізден ары-
луға күш салуымыз керек. Болашақ ұрпақ алдында біз қарыз-
дармыз. Себебі, табиғат зардаптарынан екі-үш есе асып түсетін
ядролық жарылыс атты алып аждаһа үлкендердің қолымен жа-
салды. Сондықтан да, жалпы тіршілік экологиясы жолында көп
нəрсені қолға алуымызға тура келеді. Атап айтқанда, балалар-
ды емдеу, дəрі-дəрмекпен қамтамасыз ету, өз дəрежесінде де-
малдыру – бəрі-бəрі кезек күттірмес шаралар. Əзірге атқары-
луға тиісті істер жетіп-артылады, алайда қимылымыздың ша-
бандау болып жатқанын жасырғымыз келмейді. Оның біздің
ғана кінəмізден емес екендігін халық түсінер деген ойдамын.
– Сізді «Ешқайда бастамайтын баспалдақ», «Өмір сүргің
келсе» атты романдарыңызды оқығаннан бері жақсы та-
нимын. Арманшыл жастың көңілін қиял көкжиегіне же-
телеген туындылардың бірі болған соң ба, романдардағы
оқиғалар санамда жатталып қалыпты.
– Сіз айтып отырған романдарды жиырма алты-жиырма же-
ті жасымда жазғанмын. Жастығым болар. Бұл шығармалар-
дың бойында əлсіз түсіп жатқан тұстар мол. Заман шындығы,
тағдыр тауқыметі дəл көрсетілгенімен, көркемдік кестесінде
асығыстық ұшырасып отырады. Бұл романдардың жалғасын,
үшінші, төртінші кітаптарын жазғанда, алғашқы екеуін қайта
қарап, толықтырып шығамын. Əдебиетте етек алып кеткен
публицистикалық сарыннан көркем образға қайта бет бұруды
ұмытпауымыз керек. Советтік жүйенің аса ауыр зардабының
бірі өнерді өнер деп сыйламау, қадірлемеу, қасиеттемеу екен-