Basic HTML Version
43
жаңаша бағыт беріп, республика көлемінде ретке келтіру –
кезегін күтпес істің бірі.
Жетіншіден,
халықтың əлеуметтік жəне рухани жағдай-
ларын ретке келтіруде де ойланарлық тұстар жетерлік. Соңғы
уақыттарда жиі айтылып жүрген мемлекет қаражатына тұр-
ғын үй салуды азайту керек деген пікірге қосылмаймыз. Құры-
ғанда, бұрынғы қалыпты сақтап қалу аса қажет. Əрине, со-
нымен бірге жеке үй, саяжай салуға мүмкіндік тудырып оған
керекті құрылыс материалдарымен жабдықтап отырса, тұрғын
үй мəселесі аз да болса, шешімін тапқан болар еді. Рухани са-
лада да атқарар шаруа жоқ емес. Спорт, музыка мектептері,
басқа да мəдени-көпшілік орындар жабылып, орнына пайда
табуды көздеген коммерциялық орталықтар келіп жатыр. Бұл
шындығын айтсақ, рухани өлімге апаратын жол, сондықтан
одан айығудың батыл шараларын жүзеге асыруымыз керек.
Бүгінгі өміріміздің өзі де рухани мүгедектіктің өмірі емес пе,
бұдан əрі енді қайда баруға болады?
– Егемендікті еншілеген республика кəсіподағында қан-
дай өзгеріс-жаңалықтар болмақ? Оның қаржысы қайда, не
үшін жұмсалмақ?
– Ең алдымен, халқымды егемендік алуымен құттықтап
қойғым келіп отыр. Декларация қабылданды ғой. Республика
көлеміндегі жер-суға, ондағы бүкіл байлық көздеріне Қазақстан
халықтарының өзі иелік етуі керек. Кəсіподақ федерациясының
ұстанар бағыты осы. Кəсіподақтардың бүкілодақтық ХІХ съе-
зінде бұрынғыдай талап ету керек, орындату керек деген сөздер
көп естіліп жатты. Одақ бойынша жаңарған федерацияның
əкімшілік басқарудан айығып, кеңесуші, үйлестірушілік жүйе-
мен жұмыс жүргізгені мақұл деп табылып, Бүкілодақтық
кəсіподақ конфедерациясы құрылды. Қаржы мəселесін жоға-
рыда айтып өттік. Республикалық кəсіподақ федерациясына
бастауыш ұйымдар жарнадан түскен қаржының 2,5 пайызын
бөліп отырса болғаны, қалған қаржыны өздері қалаған ұйымға
аударуға қақылы. Съезд барысында кəсіподақ ұйымдарының
біріккен жеке қорын ашу туралы келісімге келдік. Бұл қаржы
жекелеген ешбір ұйымға тиесілі емес, оны барлығымыз келісе