Basic HTML Version
300
Қырсық қылғанда, сырғанай келіп тоқтаған Дəлденбайдың
жеңіл мəшинесін қарашы. Дəл мен ойлағандай болды. Ішіне
бір-ақ адам сияды екен, қолтығымдағы Раяны салып алды да
кетті. Талай əңгіме айтылмай қалғанын білді ме, білмеді ме,
қайдам, Рая қолын бұлғай-бұлғай кете барды. Қайран, құрдас
көршім-ай, енді қашан кездесер екенбіз.
Айналанын бəрі əппақ қар. Сықырлаған сары аяз. Əр-əр
жерде тоқтап қалған көліктер. Аялдамада сопиып жалғыз қал-
ған жаман...
Жұрттың бəрі өздерімен-өздері болып жатыр. Автобус жүр-
мей қалмаса, қазірде көршіңді көру де қиын. Тірлік деген – осы.
«Алматы ақшамы» газеті, 5 қаңтар, 2008 жыл
ТАБИҒАТ СЫЙҒА ТАРТҚАН ҚЫЛҚАЛАМ
Өнер көгінде тағы бір жұлдыз туып келеді. Əлем елдері
тағы бір қазақ қызының шығармаларымен таныса баста-
ды. Живопись жанрында жарқ етіп көрінген жас суретші,
Т.Жүргенов атындағы Қазақ Ұлттық өнер академиясының
2-курс студенті Анар Əбжанованың шығармалары шетелдік
өнер қамқоршыларын қатты қызықтырып жүр. Халқымыздың
қадірменділеріне, еліміздің бетке ұстаған ірі тұлғаларына ай-
налып келе жатқан біздің меценаттарымыз да қанатты қазақ
қызынан теріс айналмас деген ойдамыз.
Өмірдің адам болжап білмейтін бұлтарыс-қалтарысы көп
қой. Анар дүниеге шыр етіп келгенде туған-туыстар қуанып,
маңдайынан сипап-ақ өсірген шығар. Бірақ, өмір оған бірден
бетін бере қойған жоқ. Титтей қыздың тағдыры ауырлау болды.
Алайда, қаршадай қыз оған қаймықпады. Тіпті бар ғой, қазір
осы жайында ойлағанның өзін ұнатпайды. Жас суретшінің
өткені туралы ашылып əңгіме айта алмай отырғандығымыздың
да себебі – осы.
Анар кішкентай кезінен бастап жеке-дара өсті. Жеке-дара
жүрген бала томаға-тұйық келеді. Кейінірек ашылғаны бол-