Basic HTML Version
261
Биыл бұл қалада 457 мың шаршы метр тұрғын үй пайдалануға
берілуге тиіс. Бірақ ипотекалық жүйемен берілетін тұрғын
үйлерді пайдалануға беруге бір кедергі бар. Қала əкімі Иман-
ғали Тасмағамбетовтың «Қазақпарат» тілшісіне берген сұхбаты-
на қарағанда, бұл тұрғын үйлерді инженерлік инфрақұрылым-
мен қамту мүмкін болмай отыр. 2006 жылға бұл үшін қаржы
қарастырылмапты да. Қала əкімі ұсынып отырғандай, жыл
сайын Алматы қаласын дамытуға барлық салық түрлерінің
13 – 14 пайызы ғана қалдырылмай, 35 пайызы қалдырылатын-
дай болса, бірталай жақсылықтарға қол жеткен болар еді. Сіз
бен бізге күні-түні ұйықтамай, соны тілегеннен басқа амал
қалмай тұр ма деп қорқамыз.
«Дала мен Қала», 18 қараша, 2005 жыл
ҚАЗАҚСТАНҒА «ҚҰМАР» ЕЛ КӨП
Неге екенін қайдам, осы біздің Қазақстанға құмар ел көп.
Өзінің жергілікті халқы тау-тау болған дорбасын сүйреп, авто-
бус пен пойыздарда адамға жол бермей, ары-бері ағылып əрең
күн көріп жүргенде, оған қоса қала көшелері мен автобустар-
да етекке оралып шұбырып жүрген келімсектерді көп көресің.
«Арқада қыс жайлы болса, арқар ауып несі бар» демекші, өз
елінде күнкөрісі қиындап кеткесін жүрген шығар деп түсініп
қоя салатын нəрсе емес. Заңды-заңсыз, тіпті, қылмысты мигра-
ция ағыны ойлантпай тұрмайды.
Елімізде үнемі жүргізіліп тұратын «Көші-қон» операция-
сы барысында талай-талай шаруалар атқарылып жатады. Биыл-
ғы науқан да жаман басталмаған сияқты. 26 қазаннан бері жүр-
гізіліп келе жатқан жұмыстар нəтижесінде еліміздің жүріп-
тұру тəртібін бұзған 8580 шетелдік азамат ұсталып, əкімшілік
жауаптарға тартылған. Негізі, біздің елде жасырынып, бой та-
салап жүру деген мүмкін емес. Оған полиция қызметкерлері
жол бермейді. Яғни, қалада, не далада кімдердің жүріп-тұрып
жатқанын тəртіп сақшылары жақсы біліп отырады. Елімізде