Basic HTML Version
259
ған бұрынғы өнерпаз Шəміл Əбілтаев болған ғана жарасады
екен. Яғни, өз жолыммен жүру, ол – өнер жолы.
«Дала мен Қала», 4 қараша, 2005 жыл
СІЗ НЕГЕ ҮЙ АЛА АЛМАЙ ЖҮРСІЗ?
Жаңа үйге кіру кімнің арманы емес дейсің. Енді ғана шаңы-
рақ көтерген жас отбасы да, балалы-шағалы болып жатқан жігіт
ағасы да, қысқасы, бесіктегі баладан, еңкейген кəріге дейін осы
бір сағымға айналып кеткен арманның жетегінде жүр. Бесік-
тегі бала арманын айта алмас, əрине, ал үлкендер жағы қияли
болуға айналған. Себебі, əне жеттім, міне жеттім дей берген-
де, əйтеуір бір себеп, əйтеуір бір кедергі алдынан шығып,
орағытып жүргені. Сонда немене, қазір салынып жатқан үй
жоқ па?! Бар, əрине, салынып жатқан ғана емес, баяғылы бері
дап-дайын болған небір іші-сырты жылтыраған көп қабатты
үйлер, коттедждер болашақ егелерін күтіп тұр. Олар бірақ кім
көрінгенге берілмейді. Адамды алалаудың басы осыдан баста-
лады. Бұл жердегі əңгіме тамыр-таныстық тұрғысында айты-
лып тұрған жоқ, үй алуға шамаң жете ме, жоқ па, əне, гəп қайда
жатыр? Қазір үкімет те, ипотекалық жүйелер де, банк те ар-
зан тұрғын үйлермен қамтамасыз етудің барлық жағдайларын
жасаған болып жатыр. Бірақ бəрібір баяу жүргізіліп отырған
жұмыстар көпшіліктің көңілін көншітер емес. Мысалы, бір
ғана Алматыда арзан тұрғын үй алуға өтініш білдірген 33
мың отбасының тек 7 мыңы ғана банктердің сүзгісінен өтіпті.
«Қазақстандық ипотекалық компания» ұйытқы болып жүргі-
зіп отырған шаралар несие алушыға орташа айлық табысы-
ның 35 – 45 пайызына дейін төлеп тұруға кепілдік беріп отыр.
Оның үстіне, ипотекалық несиені алғанда туған-туыстармен
бірігіп те қайтаруға болатынжағдайлар жасалған. Осыларға қа-
рап отырсаң, барасың да, ипотекалық несиені ала салып, жаңа
үйге көше салатындай, оп-оңай көрінеді. Алайда, олай емес, сіз-
дің алдыңыздан кездесетін кедергілерде шегі жоқ. Соның əйте-