Basic HTML Version
25
Ару қыздарымыз жайлы сыр шерткен кезде көмейге келіп
тірелетін ұлттық киім төңірегінде де айта кетсек, қисынсыз
болмас еді. Қыздар институтының барлық студентінің өздеріне
сүп-сүйкімді болып қона кететін ұлттық киіммен жүрген кезін
бір сəт көз алдыңызға елестетіп көріңізші. Жарасымды-ақ емес
пе. Көз үйреніп, көңіл орныққанша оғаштау көрінер ... дəнеңе
жоқ. Қайта, əрі ұлттық киім ретінде əрі осы институттың жеке
бір киім үлгісі (ұлттық киіміміздің аясын тарылта айтқандық
емес) ретінде қыздар институтын ерекшелер еді. Сонда ғана
республикамыздағы бірден-бір ұлттық жоғары оқу орны екен-
дігін танытып қоймай, ұлттық киімдеріміздің күнделікті өмір-
ге оралуына да ықпалын тигізеді. Айтылған жəйттердің іс жү-
зіне оп-оңай аса салмасы белгілі. Алайда, оңтайлы сəтті, қолай-
лы кезеңді күтіп жүріп онсыз да талай асыл мұраларымыздан
қол үздік емес пе?
Əңгімеміз тікелей Қыздар институтына қатысты болып
отырғандықтан, оның қазіргі хал-жайына да қысқаша тоқталып
өткеніміз орынды сияқты. «Институт ректорының да, менің де
осында қызметке келгенімізге көп бола қойған жоқ, – дейді оқу
ісі жөніндегі проректор Дина Жүсіпəлиева. – Шамамыздың
келгенінше оқу-тəрбие жұмыстарын қайта жаңғыртып жатыр-
мыз. Институттың оқу бағдарламасына еніп жатқан біршама
оң өзгерістер бар». Оқу ісіндегі атқарылуға тиісті жұмыстар
тікелей өз міндеті болғандықтан да, Д.Жүсіпəлиева көп əңгіме
айтты. Оқытушылар арасында өтіп жатқан аттестация, олар-
дың еңбек тəртібі, студенттер қауымына жасаланып жатқан
жағдайлар төңірегіндегі жүзеге асып отырған игі шараларға
қуанбасқа болмайды. Дегенмен, сол айтылған іс-жұмыстармен
қатар жоғарыда əңгіме болған жайлар да қолға алына бастаса,
институт алдағы уақытта тойлайтын 50 жылдық мерейтойын
лайықты қарсы алған болар еді.
Енді еліміздің оңтүстігінен сəлем жолдаған Қалампыр Сұл-
танованың жоғарыда келтірілген хатына тоқталайық. Халқы-
мыздың өткен тарихында есімін құрмет тұтарлық ардақты да аяу-
лы қыздарымыздың аз еместігіне тоқтала отырып: ол – Қыз-
дар институтына солардың бірінің есімін беруді ұсынады. Не-