Basic HTML Version
223
өзіміз өгей бола бастасақ – мұны жүрекке қадалған жебе деп қа-
рау керек. Жүрекке қадалған жебені суырып тастап, қансыра-
ған денені тезірек емдеу керек. Бұған мемлекет пен халықтың
барлық күші мен барша мүмкіндігі жұмылдырылуы шарт. Он-
сыз оның соңы орны толмас өкінішке айналары сөзсіз.
Дүниенің тылсым сырларын ұғып, ғарышқа самғап адамзат
Жер атты планетамыздағы бақыттың кілті – ұлтаралық келісім
мен татулықта, бейбіт қатар өмір сүруде екенін əлі ұға алмай
келеді. Діндер тату болса – халықтар да тату.
Дін – ілім, ғылым. Меніңше, дінтану пəнін мектептердің
жоғары сынып бағдарламаларына енгізген жөн.
Біз əлі кеңестік дəуірдің жансыз, жалған ұрандарынан
ажырамай келеміз. Соларды Құран сөзімен ауыстырудың еш
əбестігі жоқ. Өмірдегі тағылымды пікірлердің дені қасиетті
діни кітаптардан алынғаны белгілі. Құран сөзінің адамға əсер
ету күші, жастар үшін тəрбиелік мəні аса зор.
Қазақ тілінде шығып жатқан діни əдебиеттер ала-құла,
бірізділікжоқ. Бір ұғым, бір қағиданың өзін əр кітап əрқилы
түсіндіреді. Қазақстанмұсылмандарыдіни басқармасының
жанынан білікті топ құрып, басылатын кітаптарда діни
қағидаларды бұрмалауға, қате түсіндіруге тосқауыл қою
керек.
Бір шектен екінші шекке шығып кетуден де сақ болу
керек. Кеңестік кезеңінде бəрі де мемлекет меншігінде болды,
бүгінде бəрі жекешеленіп кеткен.
Нарықтық қатынаста дамып келе жатқан АҚШ-та мем-
лекеттің меншігі 24, Францияда 44, Англияда 53, Қытайда
90 пайыз болса, бізде 7 пайыз ғана. Оның үстіне біздегі мен-
шік иелерінің басым бөлігі шетелдіктер. Бұл да қатты ой-
ланатын мəселе.
Біздегі биліктің де, оппозицияның да жете мəн бермей
жүрген мəселесінің бірі – ұлттық рух, тіл мəселесі. Ұлттық
мүдделерге басымдылық беру, ана тілінің мерейін өсіруге бас-
шылар да, басқалар да жете мəн беретін кез жетті.
Бұл жерде мынаны ескеру қажет. Кейбіреулер қазақ тілі
жұтаң дегенді алға тартады. Бұл – білместікпен айтылып жүр-
ген əңгіме. Қазақ тілі дүние жүзіндегі ең бай тілдердің бірі.