Basic HTML Version
206
ие қылды. Əр адамға қойылған есім оның тағдырының
жазуын айғақтайды деген түсінік бар. Сіздің өміріңіздің
кейбір тұстары да кейіпкеріңіз – Ақан серінің тағдырын
қайталайтындай сыңай байқатады. Өмірінің соңында
Ақан сері жалғыздықты бастан кешіргені белгілі. Əрине,
бала-шаға өз алдына, дегенмен, қаншама жылдан бері сіз
де өмірлік жарыңыздан көз жазып қалып, жалғыздықтың
дəмін татып келе жатқан адамсыз. Осы екі арада беймəлім
бір байланыс бар деп ойламайсыз ба?
– Шынына келгенде, тағдыр деген өзі бір кейде дұрыс келе-
тін нəрсе. Кейіпкерің өзіңе ұқсайды, өзің кейіпкеріңе ұқсай-
сың. Ол өзі ұқсату деген нəрсе өзіңе де байланысты. Ұқсаған
дүниені жазасың, сондықтан сен ұқсайсың, əрине. Мысалы,
Ақан серіні мен таңдағанда, өзім ұқсайтын болғандықтан,
Ақан серінің серілігі маған ұнайтын болғаннан кейін бардым.
Сол қасиеттер өз бойымда да бар екенін сезінгеннен кейін.
Жəй сезінгенім болмаса, мен серімін деп айтқан жоқпын. Ақан
серінің домбыра тартып, əн айтатыны – барлығы өзіме ұқсап
тұрғаннан кейін. Оның үстіне, жерінің, жері ғана емес желіне
дейін, жемісіне дейін, ол жер өзімнің туған жерім болғаннан
кейін ол жағы да жақын маған. Ақан серіні таңдауымда осы-
лардың бəрінің əсері болды.
Ақан серіні бұрын Ғабит Мүсірепов та жазды. Ол енді за-
манына қарай «Ақан сері – Ақтоқтының» кей тұстарын иіп,
бейімдеп, тіпті қателіктер кеткен жерлері де бар. Əрине, оған
Ғабит Мүсіреповті ешкім жазғыра алмайды. Себебі, заман со-
лай болды. Науан хазіретті ол кезде басқаша жазуға болмай-
тын еді. Олай жазбаса, ол шығарма қойылмайтын еді. Серілік
жағынан Ғабең де Ақан серіге ұқсайды. Мен ол кісі жазады
ғой деп жүрдім, кейін алдынан өттім. «Эпикалық дүние, жал-
пы, менің қолым емес екен, бір жағы шаршап та қалдым» деп,
маған өзі рұқсат берді.
Ақан серінің тағдырына келетін менің өмірімде де ұқсас-
тықтар көп. Ол Ақтоқтысын ала алмай қалды. Ғашығыңды
ала алмай қою деген нəрсе менің тағдырымда да болған нəрсе.
Кейінгі алған əйелі – Ұрқиясы өліп, одан кейін үйленбей қояды,