Basic HTML Version
171
дүниесін былғайтын кез келген берілімдерге, басылымдарға,
т.б. тойтарыс берер заңның жүзеге асуын қадағалау керек.
2. Теледидар берілімдеріндегі екі тілдің тепе-теңдігін, бағ-
дарламаларын жəне олардың берілу уақыттарын үнемі, ар-
найы қадағалап отыратын жауапты орын нақтыланып, есебі
тыңдалып тұрғаны дұрыс.
3. Аударма фильмдерді дамытқанымыз жөн. Сонда, қазіргі
шетелдік жақсы бейнефильмдерді де көрсете аламыз, тілдің де
дамуына үлес қосамыз.
4. Еліміздің төл киноөнеріне көңіл бөлу керек. Кино, мульт-
фильм салаларын дамытпайынша, өркениет көшіне ілесе ал-
маймыз.
Бұл айтылғандар – бүгіннен бастап қолға алынуы тиіс-
ті мəселелер. Ертеңгі күні, тіпті, кеш қаламыз. Себебі, ер-
теңгі күн өз проблемаларын ала келгелі тұр. Сырттан ене-
тін əрбір жаңалықтың, жетістіктің тасасымен тығылып,
жаңа «жансыздар» келе бастайды. Мысалы, қазіргі жаппай
компьютерлендіру мəселесі Интернет секілді бүкілəлемдік
орталық байланыс жүйесіне енумен аяқталмақ. Тіл, эроти-
ка, секс мəселелерінің көкесі əлі алдымызда сияқты. Ол – өз
алдына бөлек əңгіме. Қазіргі міндетіміз – қолымыздан ке-
лер бүгінгі проблемаларымыздың шешімін табу. Ендеше,
əуе толқынындағы «жансыздардан» құтылайық. Ал, ол –
үкімет тарапынан қолға алынатын шаруа.
«Түркістан» газеті, 24 маусым, 1998 жыл
ҚЫТАЙҒА ЖЕР БӨЛІП БЕРДІК ПЕ?
Ата-бабамыз найзаның ұшымен, білектің күшімен қорғап
келген атамекеніміздің бір пұшпағына «Қытайдың қолына
ұстата салғанымыз» жайындағы əңгіме, көбіне, əлі де біржақты
айтылып, біржақты қабылданып келеді. Бұл əңгіменің шығу
төркіні белгілі. Оған қытайлықтармен екі арадағы болған кез-
десулер, шекара сызығын белгілеу барысындағы келісімдер