Basic HTML Version
135
көруі етек ала бастады. Нарық желеуімен жабылып қалған
335 мектептің (318-і жалпы білім беретін орта мектеп) бəріне
жуығы қазақ мектебі болып шықты. Ал соңғы тексерулердің
қорытындысы бойынша 170-тен астам өзге тілді мектеп-
те қазақ тілінің пəн ретінде өтілмейтіндігі анықталды. Оның
едəуір бөлігін солтүстік облыстардың мектептері құрайды.
Басқа ұлт өкілдерін айтпай-ақ қойғанның өзінде, қазақ пен
қазақтың өзара тілдесуінде бұрынғы ана тіліне деген талпыныс
қайта басылып қалды. Оған бұқаралық ақпарат құралдары мен
көше-көшедегі ағылшын, орыс тілдеріндегі жарнамалардың
көбейіп кеткендігін қоссақ, ана тілімізді дамыту əңгімесінен
күдер үзгендей боласың. «Қоғамның аты – қоғам, «Қазақ тілі»
шаршағанболар»дегенойдыңеркінекөнебастағанда,Қазақстан
Республикасы Ақпарат жəне қоғамдық келісім министрлігінің
жанынан Тілдерді дамыту департаменті құрылып, үміт отын
қайта тұтатқандай болды.
Өткен аптада аталмыш департаменттің ұйымдастыруымен
Тіл туралы заңның орындалу барысы мен Мемлекеттік тілді
дамытудың өзекті мəселелеріне арналған «Дөңгелек үстел»
болып өтті. Оған лингвист-ғалымдар, заңгерлер, ақын-жазу-
шылар, қоғам қайраткерлері мен журналистер қатысты.
Қазақ тілінің қоғамдағы орнына кеңінен тоқталған депар-
тамент директоры Ербол Шаймерденұлы мемлекеттік тілді
өміріміздің барлық саласына батыл енгізу мақсатында атқа-
рылуға тиісті іс-шараларға назар аударды. Бұл мəселеге Елба-
сымыз Нұрсұлтан Назарбаев əркездегідей»: «Жадымызда жат-
талсын, татулық дəйім сақталсын» аттымақаласында да арнайы
тоқталып өткендігін, ендігі жерде нақты істермен айналысқан
орынды екендігін айтты.
Сөз кезегін алған Əбдуəлі Хайдари, Серік Қирабаев, Қал-
дарбек Найманбаев, Бақытжан Хасанов, Тұрсынбек Кəкішев,
Зейнолла Қабдолов, Рымғали Нұрғалиев, Асылы Османова,
Мырзатай Серғалиев, Өмірзақ Айтбайұлылар ана тіліміздің
өрісін кеңейтуде кездесіп отырған қиындықтар мен алда-
ғы уақытта көңіл бөлінуге тиісті мəселелер жайында əңгі-
меледі.