Basic HTML Version
130
Бесінші, «Шаңырақтың» ішінен арнайы дəрігерлік-акушер-
лік пункт пен милиция учаскесін орнатқан жөн,
Алтыншы, негізінен, жас отбасылар тұратын бұл аймаққа
арналып балабақша ашылса құба-құп.
«Шаңырақтың» құрылуына талай-талай жеңілдік жағдай
жасаған бұрынғы қала, қазіргі облыс əкімі Заманбек Нұрқаді-
ловтен шаңырақтықтар тағы да үлкен үміт күтіп жүр. Өзбек
ағайындарымыз «Қазаққа дəм татырсаң, шелегін ала жүгіреді»
деп күледі екен бізге (сыпайылып айтып отырмыз). Қайта
оралған əкім олай ете қоймас деген ниеттеміз. Ер азамат бас-
таған ісін жолда тастамас болар.
«Түркістан» газеті, 21.01.1998 жыл
ЖЕРГІЛІКТІ БАСШЫЛАРҒА ҚАРАП ОТЫР
Кепілдікке берері жоқтың несиеден үміті жоқ
Нарық талабына ет үйренетін кез келді. Əртүрлі кəсіпкерлік
пен бизнес саласына ертерек кірісіп кеткен ағайындар ішінде
нарық əлемінің қыр-сырына қағынып, қалыпты еңбек ырғағына
түскендері баршылық. Үкіметтен несиеге ақша алып, тың іске
кірісуге кезінде олар да күмəндана қарап, екіұшты ойдың
жетегінде болған. Тəуекел етті, кірісіп кетті. Əділ заңнан атта-
май, өздері анықтап алған бағытта тынбай еңбектеніп келеді.
Олар өздерін ғана емес, өзгелерді де еңбекпен қамтамасыз ету-
де. Ал, бұл – қазіргі таңдағы басты мəселе. Еліміздегі халықты
еңбекпен қамтамасыз етуді қолдаудың мемлекеттік қоры да ар-
найы осы мəселенің шешімін табу жолында ашылған болатын.
Бүгінгі таңда аталмыш қор жалпы көлемі 158 миллион 500 мың
теңге болатын 214 жобаға қолдау көрсетіп отыр.
Рас, жұмыссыздарды еңбекке тартатын жаңа жұмыс орын-
дарын ашудың əңгімесі де аз емес. Бұл орайда туындап жатқан
проблемалар қатары да жеткілікті. Соның бірі, мəселен, несие
алу үшін кепілдікке беретін зат. Қалалықтардың көбісі тұр-