Basic HTML Version
127
Хайдаровтың шəкірттері үшін осындай студия алуға қаржы
бөлуін өтініп, жоғарыдағы басшыларды жиі мазалап жүргендігі
тегін болмаса керек. Компьютер мүмкіндіктерімен жұмыс
істеудің əлі сəті түсеқоймаса да, біздің мамандарымыз толық
метражды фильмдердің өзін кішігірім ұжыммен-ақ түсіре
алатын дəрежеге қол жеткізді. Оған «Айдардың ажалы» (ре-
жиссерлары Жəкен Деменов пен Ғани Қыстауов). «Қадырдың
бақыты» (Қалдыбай Сейданов) толық метражды фильмдері
дəлел бола алады.
Аманжол Əбілқасымов, Абай Тоқашбаев, Болат Омаров,
Ирк Молдабеков, Ғимұрат Бекішев, Тамара Мұқанова сынды
режиссерларымыз бен суретшілеріміз бұл күндері компьютерлі
графика тəсілдерін жап-жақсы меңгеріп алған. Олардың ең-
бектері теледидар арналарынан көрініп те жүр. Таяу арада ком-
пьютерлі студияға қол жете қалса, осындай жаңа технология
негізінде түсірілген компьютерлік мультфильмдер де өзінің
кішкентай көрермендеріне өзгеше қуаныш сыйлай бастар еді.
Бұл үшін, əрине, жоғарыдағы басшы орындардың қаржылай
көмегі қажет-ақ.
Биылғы оқу жылында өз еліміздің анимациялық кино ма-
мандары тұңғыш рет өзімізде диплом алып, түлеп ұшқалы
отыр. Олар қазір Т.Жүргенов атындағы театр жəне кино инсти-
тутында қазақ мультипликациясының атасы Ə.Хайдаров пен
Е.Əбдірахмановтардың шеберханаларында оқып, білім алуда.
Қазақ анимация киносын екінші рет биікке көтеру осы жаста-
рымыздың алдында тұрған міндет деп ойлаймыз.
...Əлі мектеп табалдырығын аттамаған бала емес пе. Теле-
дидардан «Том мен Жери» мультфильмі бола қалса, кіші ұлым
Серік ішіп отырған асын тастай сала жүгіреді. Ие, оларды
«Том мен Жери» есейтетін болды. Соның орнына теледидар-
дан қазағымыздың қозы-лағын ойнатып, мысық-тышқанын та-
машалап өссе қалай болар еді. Əттең, тонның келтесі-ай...
«Түркістан» газеті, 07.01.1998 жыл