Basic HTML Version
45
– Жасыратыны жоқ, бұл орайда біздің ұйым экономикалық
ұйымдарға қарағанда, кенжелеп қалып отыр. Алайда, қазіргі
таңда беріліп отырған мүмкіндікті пайдалана отырып, көп
ұзатпай бұл маңызды мəселені жүйеге түсіруіміз керек. Қазір-
дің өзінде атқарыла бастаған іс-шаралар қатары жоқ емес.
Мəселен, Франциядағы еңбеккерлер мүддесін қорғаушы
ұйыммен байланыс орнады. Үндістан мекемелерімен туризм
төңірегінде келісім жүргізілуде. Бір қызметкеріміз таяуда
ғана Монғолияға, Баян-Өлгийге барып келді. Мəдени байла-
ныс орнату мақсатында Қытаймен де қарым-қатынас жасауды
жоспарлап отырмыз. Мұндай істердің бəрі де Мəскеу арқылы
емес, тіке байланыс түрінде жүргізіліп келеді. Мұны əдейі
ерекшелей айтып отырмын. Себебі, осының өзі республика
кəсіподағының, азғантай болса да, еркіндік сипатын аңғартары
белгілі. Алдағы уақытта одақ мүддесіне қайшы келмейтін осы
тектес еркіндігіміз молая түсер деген сенімдеміз.
– Шет елдермен байланыс төңірегінде əңгімелей оты-
рып, ондағы отандастырымыз жайлы ауыз ашпай кетке-
німіз орынсыз болар. Кезінде түрлі себептермен көшіп
кетуге мəжбүр болған бауырларымыздың ішінде туған
атамекеніне қайта оралғысы келетіндері баршылық.
Оларды Қазақстан жеріне қоныстандыру мəселесін ше-
шуге өздерінше үлес қосып отырған жерлер де жоқ емес.
Мəселен, Қостанай облысының Ленин ауданы мен Ақтөбе
облысының Ырғыз ауданындағы əзірлік істері атап айтуға
тұрарлықтай. Кəсіподақ Федерациясы бұл төңіректе қан-
дай істер атқара алады?
– Өз еліне қайта оралғысы келетін бауырларымызға
құшағымыз əркезде де ашық болуы керек, бұл халықтық қа-
сиетіміз емес пе. Ердің туған жеріне тартатындығы кімге
болса да аян ғой. Бұл – бүгінгі таңда болмағанымен, ертеңгі
күні, түптің-түбінде жүзеге асуы тиіс мəселе. Сондықтан,
оны күн тəртібінен ешуақытта да түсіруге болмайды. Алайда,
республикамыздағы кейбір қоғамдар мен ұйымдардың, түрлі
партиялардың ұраншылдық көзқарастарына өз басым қар-
сымын. «Бостандық», «бостандық» деп құр бекерге айқайлай