Basic HTML Version
266
тым. Экономикамызды көтерсек деген ойымыздың бар екенін
айтып, жаңалықтарыммен таныстырып жатырмын. Ол кісі
бірден қабылдады, келген делегацияны алып бардым. Жаңа
зауыттың мəн-мағынасын айтып, Елбасымызға хат жазған-
мын, Президентіміз бірден жүзеге асырылсын деген рұхсатын
берді. Не керек, жаңа зауыт салудың ұзақ жолы басталып кетті.
Министрліктерден өтіп, банкіден өтіп дегендей, бірінен кейін
бірі шыға беретін кедергілердің бəрінен өтіп тауыстық, əйте-
уір. Соның бəрінде келген делегация мүшелерімен бірге жүр-
мін. Өтіп жатқан ұзақ-сонар жолымызды көрген олар бастарын
шайқайды. Олар мұның алдында жобаларын қолына ұстап, бір
жылдай əуре болып жүріпті. Жаңа нəрсеге тосырқап, ешкім жо-
лата қоймаған. Біз қолға алғанның өзінде барлық жолдан өтіп,
рұхсат алғанша алты ай жүрдік. Бұл шаруаның жүзеге асып
жатқаны біздің Елбасымыздың арқасы екенін оларға қайта-
қайта айтып жүрдім. Сонымен, зауытты қай жерге саламыз де-
генге келіп бір тоқтадық. Жоба бойынша Алматы облысындағы
Еңбекшіқазақ ауданының Балтабай деген ауылында салынуға
тиіс екен. Ол жері өзі бұрыннан шетелдіктермен бірігіп жұмыс
істеп келе жатқан аймақ қой, бұл бастамамызды да жылы
қабылдады. Зауыт салынып бітіп, тұсаукесері болғанда мені
шақырды. Қазақстанның түкпір-түкпірінен жүгерімен айна-
лысатын елдің бəрі келіпті. Сонда Талдықорған жақтағы Пан-
филов ауданынан келген бір кісінің: «Əттеген-ай, бұрын қалай
білмегенмін, Нұржамал, мынау нағыз менің зауытым екен»
деп өкінгені бар. Сөйтсем, Панфилов ауданы, тіпті, КСРО-
дағы жүгерімен айналысатын ең мықты аймақ екен ғой... За-
уыт Балтабайға бұйырып, сонда салынды. Бүгінде Ауыл ша-
руашылығы министрлігіндегілер оны авторы кім екенін де
білмейтін шығар, ол кезде біздің акционерлік қоғам дегенде
шаруамыз жоқ, Қазақстанда зауыт салынса болды деп жүгіріп
жүрген кезіміз.