Basic HTML Version
264
жүргенде, сіз тып-тыныш қана тоқтап қалған зауыттарды
қайта іске қосумен, жаңа зауыттар салумен айналысып
кеттіңіз. Ұттыңыз ба, ұтылдыңыз ба?
– «Ұттым», не болмаса, «ұтылдым» деп бір сөзбен қайырып
тастауға келмейтін де нəрселер болады. Менің атқарған ша-
руаларым менмұндалап көзге көрініп тұрмағанмен, ел-жұрты-
мыздың болашағы үшін аса қажет дүние болған соң, өзіндік
бағыт-бағдарымен ерекшеленіп тұр. Қазақстан Республика-
сының Президенті Нұрсұлтан Əбішұлы Назарбаев өзіміздің
отандық өндірісті дамытуды қолға алғанда, ол кісіге тірек
болатын, ұстанған бағыт-бағдарын алға қарай жылжытатын
адамдар керек болды. Қарап отырсам, бүкіл өмірімді өндірісте
өткізіп келе жатқан екенмін, осы бағыт нағыз менің жолым деп
түсіндім. Өзім Оңтүстік Қазақстан облысындағы Кəсіпкерлер
конгресініңпрезиденті едім, қаттықуантқаны–алдымаөндірісті
қолға аламыз, өзіміздің отандық өнімдерімізді шығарамыз деп
тілек білдірген жастар көптеп келіп жатты. Артымда тұрған
қолдаушыларымның көптігі маған онан сайын қанат бітірді.
Сөйтіп, қолға алған шаруаларыммен еркін айналыса бастадым.
Шынымды айтсам, Елбасымыздың жағдайын сол кезде жақсы
түсіндім. Бір шаруаны қолға алғанда, соңында жанашырың бо-
лып, сол істі ары қарай дамытып ала кетсе, адамға кəдімгідей
күш-қуат болады екен.
Жеке ел болып кету басында оңай бола қойған жоқ, жаның-
ды түршіктірерліктей көптеген қиындықтар тосып тұрды. Мəс-
кеудегі Кəсіпкерлердің халықаралық конгресіне қатыстым,
өзім соның мүшесі де болдым. Талай шаруаны тындырымды
жасап жүрген академик Абалкиндермен таласып-тармасып
жүріп жұмыс істеу де оңай емес. Бірталай уақыт Мəскеуде
жүргенім, Су шаруашылығы министрлігінде, автоматика жə-
не телекоммуникация саласында істегенім, облыстық «Теле-
строймонтаждағы» күндерімнің маған көп көмегі тиді. Қазақ-
тың қарапайым бір қызы неше түрлі жобаларды жүзеге асы-
рамын деп, жанталасып жүргеніне қызығып та, қызғанып та
қараған ел аз болған жоқ.