Basic HTML Version
235
ТЕАТР – ИМЕНЕ БАСЫП КІРЕТІН ТӨР
Ғ.Мүсірепов атындағы қазақ Мемлекеттік академиялық
Балалар мен жастар театрының көркемдік жетекшісі,
Қазақстанның халық əртісі Тілектес МЕЙРАМОВПЕН
сұхбат
– Тілеке, тура театр ғимаратының іргесінен мейрамха-
на салынып, біраз шу шығып еді, мəселенің аяғы жақсы
шешіліп, көңілдеріңіз жай тапқандай болды ма, қалай?
– Иə, бұл мейрамхананы кезінде біз үш ай бойы салғызбай
отырған едік, кейін шамамыз жетпей қалды. Алдыңғы уақта
түнде күзет қойған кезіміз де болған. Өзіміздің қызметкерлері-
міз кəдімгідей күзетіп жүрді. Сол кездері аты-жөні белгісіз бір
кісілер келіп, біздің бұл əрекетімізден бəрібір ештеңе шық-
пайтынын айтып, үгіттегендей болып жүрді. Біз олардың да
еш кінəсі жоқ екенін білдік, əрине. Олар жəй, берілген тапсыр-
маны орындаушылар ғана болатын. «Біздің ешқандай кінəміз
жоқ» деп, олардың өздері де уəждерін айтқандай болды. Біз
сол екі-үш айды пайдаланып, осындағы аудандық əкімшілікке,
қалалық əкімшілікке, министрлікке хат жазып, хабарласып,
қайта-қайта дабыл қағып, мəселе қойып жүрдік. «Тура жастар
театрының іргесінен мейрамхана салу деген өте орынсыз нəр-
се» деп хат жазбаған, бармаған жерім қалмады десем де болады.
Жазған хаттарымның ешқайсысына жауап болмады. Соңында,
бейресми түрде деуге болады, осында бір лауазымды кісілер
келіп, «Қоя қойыңдар, бұл сендердің шамаларың жетпейтін іс.
Арызданып, шағымданып, əуреге түспей-ақ қойыңдар» деген
соң, амал жоқ, біз де тісімізді қайраған күйі ернімізді тістелеп,
бейшаралық жағдайға түсіп қалған болатынбыз. Сөйтіп, тез
арада мейрамхана бой көтеріп, салынып бітті. Сол күндердің
бірінде театрымыздағы жаңа спектакльдің біріне Алматы қала-
сының жаңа əкімі Иманғали Тасмағамбетов келе қалды. Ол кісі
енді, еліміздегі мəдениет пен өнерге үлкен қамқорлық таны-
тып жүрген шын жанашырымыздың бірі ғой, театрымыздың
басына түсіп отырған мына жағдайды өз көзімен көріп, басын