Basic HTML Version
233
нық сеніммен алға басып бара жатқан Қазақстандағы əрбір
іс-шараларға шетелдіктердің үлкен ынтамен ден қойып
отырғаны байқалады. Оған алыстан дəлел іздемей-ақ, 14 –
16 маусым аралығында «Қазақстан инвестициясының жаңа
толқынын тартуда белсенді ету жəне тұрақты өсу стратегия-
сы» деген тақырыпта Алматыда өткен Халықаралық бизнес-
конференциясы мен Қарағандыда өткен Қазақстан Республи-
касы Президенті жанындағы Шетелдік инвесторлар кеңесінің
13-жалпы отырысында қозғалған əңгімелерден-ақ аңғаруға
болады. Бизнес-конференцияда, мəселен, əлемдік саясаттың
тамырын дөп баса алатын үлкен саясатшы, Азия қоғамның
қамқоршылар кеңесінің төрағасы Ричард Халбург Қазақстан
Азияда экономикасы қарқынды даму жолына түскен ел ретінде
танылып, инвестицияның жаңа толқындарын тартуға əзір де-
ген ойын ашық айтты. Дəл осындай ой-пікірлерді Қарағандыда
өткен Шетелдік инвесторлар кеңесінің жалпы отырысында
болған əңгімелерден де аңғару қиын емес. Мысалы, мəжілісте
сөз кезегін алған еуропа Қайта құру жəне даму банкінің прези-
денті Жан Лемьер Қазақстанның Орталық Азия өңіріндегі
рөлін жоғары бағаласа, «Коч Холдинг» компаниясының прези-
денті Мустав В.Коч өткен он жылда біздің еліміздің тамаша
экономикалық прогреске қол жеткізгенін жəне өсудің өңірлік
қозғаушы күші болып келе жатқанын тілге тиек етті. Шетелдік
инвесторлар туралы сөз қозғағанда, алдымен, өз еліміздегі
жағдайларға да көңіл бөле кетпеске болмайды. Жалпы, ше-
тел инвестициясын тартуда 2000 жылға дейінгі жəне одан
кейінгі деп екі кезеңге бөліп қарауға болады. Тəуелсіздік ал-
ған алғашқы жылдары Қазақстан болашағына алаңдаумен
қараған талай инвесторлар бүгінде саяси жəне экономикалық
жағынан тұрақтылыққа қол жеткізген біздің елімізге қаржы
салуға нық сеніммен кірісіп келеді. Бұл жерде еліміздегі саяси-
экономикалық тұрақтылықпен бірге инвестиция тарту жəне
оны қорғауға байланысты 20-дан астам заңның бар екендігі
де өз ықпалын тигізіп отырған сияқты. Осындай жақсы жағ-
дайлардың арқасында 1993 жылдан бастап қазіргі күнге дейін
елімізге келген тікелей инвестициялар көлемінің шамамен 40
миллиард доллар құрап отырғанын айта кеткен лəзім.