Basic HTML Version
18
бірде қараланып жатады. Ол, тіпті, əртүрлі елдерде орын алып
жатқан кейінгі саяси көзқарастарға байланысты да қайта сөз
болып жүр.
Мысалы, 2008 жылдың тамыз айында Грузия мен Ресей ара-
сында болған қысқа ғана соғыс кезінде Ресейдің бомбалағыш
ұшақтары алғашқы сəттен нысанаға алған жердің бірі Оңтүстік
Осетиямен екі арадағы шекараға жақын жатқан осы Гори қала-
сы еді. Мұнда Ресей бомбасы мүлдем түспеген екі жер бар екен,
ол – Сталиннің мұражайы мен оның Орталық алаңда тұрған
алты метрлік қоладан құйылған ескерткіші.
Бұл жəйтті қала тұрғындары бұрынғы кеңестік диктаторға
деген Ресейдің айнымас құрметінің белгісі деп қабылдаған.
Ал, бұл елдегі ресми билік Сталиннің мұражайын басқаша
ұйымдастырып, қайта құруды, оны бар болғаны тарихи мұра-
жайға айналдыруды көздеп отырған сыңайлы. Алаңдағы ал-
ты метрлік оның ескерткішін де орнынан көтеріп алып, сол
мұражайлар қатарындағы экспонаттардың қасына қосты.
Мұның бəрін кейінгі саяси ойындардың себеп-салдары
деуге болады. Шындығын айтқанда, бұл – əр елдің өздерінің
қалыптасқан жағдайларға байланысты атқарып отырған ішкі
мəселесі.
– Біздің саяси көзқарастарда шаруамыз болған жоқ. Жет-
піс жылдай достық көпірі байланыстырып тұрған елдердің аза-
маттарымыз ғой, оның үстіне соғыс жылдарында үлкен ерлік
пен өрлік көрсеткен елденбіз. Ұлы Отан соғысына қатысқан
біздің аға буын Сталинді ерекше құрмет тұтады. Осының бəрі
адамға əсер етпей қоя ма, Гори қаласындағы Сталин дүниеге
келген үйге барғанда отырып құран оқыдық. Қасымыздағы
орыстар да үнсіз-түнсіз күтіп тұрды. Біздің үлкен ықыласпен
ізет білдіріп жатқанымызды олар да түсінді, – дейді əңгіменің
қызығына түскен Медетқазы Бадамбаев.
Кеңестік кезеңнің соңына қарай Грузияға барған бауырла-
рымыз сол кездің өзінде де Сталинге қатысты кейбір адамдар-
дың ішкі ой-пікірлерінде түрлі қайшылықтардың бар екенін
сезетін. Бірақ, Сталиннің аты – Сталин. Ол – тарих, əрі-беріден